Tafsut
Mi ara tfukk tsemhuyt n tesgrest ad d-ass tsemhuyt n tefsut tettaṭṭaf krad n wagguren;nutni d maγres ,yebrir akked maggu.Di tsemhuyt-
agama yeddel s wadal d ujeǧǧig,isekla zeggzawit,ifrax cennun,imeksa tteffγen s lmal, aḍu ur semmeḍ ur yeḥma yessefsay adfel iγummen tiqucac n yidurar.Atas n temnaḍin di tmurt-nneγ yettqabalen tasemhuyt-a s lferḥ d watas n tẓidanin,ad ten-tafeḍ yal Sem amezwaru deg wagur n meγres tteffγent twaculin γer lexla ttawin yid-sen tagella ireqqmen s yal ini ,s yal učči.Daγen llan kra qqaren win illulen di tsemhuyt-a ad ten-tafeḍ lebda cerhen ttaḍsan wessiε lxaṭer-nnsen .Nekk ḥemmleγ tafsut acku ttwaliγ-tt d azamul n tudert deg-s tettuγal-d rruḥ i yal imγi ,i yal aγersiw d ayen i d-yettakken tahuski i tsemhuyt-agi.