الثورة الروسيه هى مجموعة من الثورات اللى هزت روسيا فى سنة 1917 واللى ادت بعد كدا لظهور الاتحاد السوڤيتى. اول ثورة كانت ثورة فبراير 1917 واللى شالت الحكم القيصرى و حولت روسيا من مليكيه مطلقة لملكيه دستوريه وعملوا حكومة مؤقته. حصلت مجموعة من محاولات لقلب نظام الحكم وتطبيق نظريات سياسيه تانيه غير اللى موجودا زى اللى حصل فى ثورة يوليو 1917 اللى حاول المشاركين فيها يخلوا ڤلاديمير لينين زعيم البلاشڤه يمسك الحكم, بس مكانوش بلاشڤه, واللى فشلت وخليت لينين يهرب بره روسيا عشان امنه. بعد كدا رجع لينين والبلاشڤه وعملوا انقلاب بدعم شعبى وغيروا نظام الحكم و دا حصل فى يوم 25 اكتوبر 1917 وقتلوا القيصر الروسى نيكولاى التانى واللى اتعرفت بعد كدا بالثوره البلشڤيه او ثورة اكتوبر. واللى بيها ابتدت الحرب الاهليه الروسيه.
ادولف هيتلر (Adolf Hitler) (20 ابريل 1889 – 30 ابريل 1945) كان زعيم سياسى المانى و ديكتاتور عنصرى فاشى اتولد فى النمسا و كان قائد الحزب النازى المعروف بـ حزب العمال الالمانى الاشتراكى الوطنى (ألمانى: Nationalsozialistische Deutsche Arbeiterpartei) و المشهور بنازيه اللى اسسها هيتلر. هيتلر حكم المانيا من سنة 1933 و اتسبب فى نشوب الحرب العالميه التانيه و انتحر سنة 1945 بعد مااتغلب و تدمير ألمانيا و خراب مدنها.
رسميا هيتلر مسك منصب مستشار المانيا (رايخسكانتسلير) من 30 يناير 1933 و كمان مسك منصب مرشد المانيا (فوهرير) من 2اغسطس 1934 وجمع بين المنصبين الفوهرير و الرايخسكانتسلير (Führer und Reichskanzler) لحد ما مات فى 30 ابريل سنة 1945. فى عهده اتأسست المنظمه الاجراميه اللى اتعرفت بإسم جيستابو اللى كانت بتقتل و بتقبض على المناؤين لنظامه الديكتاتورى و اتحاكمت مع نظامه على جرايم ضد البشريه و منها الجرايم اللى حصلت فى الهولوكوست.
لنازيه Nazism (ألمانى: Nationalsozialismus اشتراكيه قوميه ) هى حركة سياسيه ظهرت بعد الحرب العالميه الاولى, اسسها ادولف هيتلر و نشرها جامد فى المانيا, اللى حولها بعد كدا لالمانيا النازيه بعد ما مسك الحكم فى سنة 1933. النازيه شكل من اشكال الحكم الديكتاتورى زى الفاشيه بس واخدا شكل متطرف اكتر. النازيين شايفيين ان فيه عرق بشرى واحد هو النقى و ان بقيه الاعراق ملوثه و ملهاش لازمه او على الاقل اقل فى الاهميه وقسمهوم درجات. النازيه عملت مصايب فى حق البشريه و خصوصا فى اليهود و الغجر و عملوا الهولوكوست. مع ان قوة النازيه الجامده تقريبا اختفت بعد ما خلصت الحرب العالميه التانيه و انتحار هيتلر بس لسه افكار النازيه موجوده لحد دلوقتى و فى حركات متطرفه معتمده فى الايديولوجيا بتاعتها عن شويه افكار نازيه, فى احزاب اقصى اليمين بتتقال انها نازيه. النازيه دلوقتى اتطورت و اتسمت Neonazismus او النازيه الجديده. دلوقتى فى المانيا و النمسا وبلاد تانيه مجرد الدعايه او الكلام الكويس على النازيه ممنوعه من القانون و مع ان الدول دى بتئيد حرية التعبير بس بيعملوا كدا من كتر ما النازيه عنصريه و اتسببت فى موت الملايين. من اسباب ظهور النازيه كان الكساد الكبير و خسارة المانيا الحرب العالميه الاولى و معاهدة فيرساى دا خلى ناس تقول ان الليبراليين و الاشتراكيين, الاشتراكيين الديموقراطيين خصوصا, باعوا المانيا و وفقوا على معاهدة فرساى و وفقوا على شروط الحلفا, اللى كانوا شايفينها ذل لالمانيا و اهلها. فدا خلى حركات زى النازيه و الفاشيه تظهر وقتها. منهم مجموعه كانت شايفه ان الحل ان يكون فيه حزب جامد بيجمع و يوحد العمال و يحسن الاقتصاد و يرفع الروح المعنويه للالمان بعد خسارتهم الحرب, ودا حصل فعلا فى 5 يناير 1919 لما اسس انتون دريكسلر والصحفى كارل هارير حزب العمل الالمانى في ميونخ. فى اجتماعات و مناقشات للحزب فى سبتمبر 1919 كان فيه جدل و نقاش جامد شارك فيه هيتلر, و حسب كلام هيتلر فى كتابى كفاحى انه فى الاجتماع دا دريكسلر جاله و اداله كتاب " يقظتى السياسيه" و حسب كلام هيتلر برضه ان الكتاب دا اثر فيه جامد, بعد كدا فى نفس اليوم اتبعت لهيتلر جواب بيدعوه فيها انه ينضم للحزب معاهم. فى سنة 1920 قام دريكسلر بتغيير اسم الحزب حسب اقتراح هيتلر و غير اسمه من حزب العمل الألمانى لحزب العمل القومى الاشتراكى الألمانى (NSDAP).فى سنة 1921 بقى هيتلر من قواد الحزب, و حصل خلاف بين هيتلر و دريكسلر و فى الاخر كسب هيتلر و خلى دريكسلر رئيس شرفى للحزب بس ديريكسلر ساب الحزب بعد كدا فى سنة 1923 فى نفس السنة يوم 8 نوفمبر قاد الحزب النازى بقيادة هيتلر محاولة انقلاب على السلطه بس فشلت و اتعرفت المحاولة بـ انقلاب بير هول. من سنة 1924 بدى الحزب ينضم ليه ناس كتيره و تنتشر افكاره جامد و بدى هيتلر يحلم انه يكون المانيا عظمى بتقوم على سيده الجنس الآرى (الالمانى) على كل العروق والاجناس فى الدنيا و الافكار النازيه. فى سنة 1929 كسب الحزب النازى انتخابات البرلمان و كسب 276 من اصل 387 كرسى فى البرلمان وبقى هو حزب الاغلبيه و حزب الحاكم.
أزمة 1929
https://room-fes.nice-forum.com/t242-topic