طريقة عمل الوردة اولا احرقي الحاشية في الطرف واثنيها باه تخدمي مثلث وزيدي اطوي الجهة المقابلة تتحصلي على مثلث اكبر خيطيه بالابرة في الطرف من التحت مكان ما التقو مبعد زيدي ديري مثلث بطي الحاشية وزيدي اطوي هذاك المثلث على زوج واحكمي بالابرة من الطرف نفسه الاول الي تلاقاو فيه والخيط خليه لاسق وانت تخدمي مش كل مرة تعاوديه وتبقاي تكرري في نفس العملية تطوي المثلث وتحكميه من الطرف وكي تكبر الدائرة بزاف تبدا تتلوى وتحسي شكلها خسر عادي كملي للنهاية وجربي حطيها كدائرة وشوفي لما تجي دائرة حبسي وقطعي الخيط واحرقيه في الطرف واثنيه للداخل انا صورتلك غير المراحل الاولى كنت لاهية في الليل وصورتها على جالك هذا شكلها من الامام وهذا شكلها من الخلف وتقدري نفس الطريقة وتخليها تتلوى بزاااف كمال الحلزون تجي شابة ديري منهم زوج حد بعضاهم وديريهم مفيتحات يهبلو للاسف المفيتحات الي خدمتهم ماهمش عندي باه نصورهم ارجو ان تفهمي علي الشرح ورجعيلنا الخبر لما تخدميها