[sarona.girl]

آههه واش نقولك

المشاركة الأصلية كتبت بواسطة sarona.girl

السلام عليكم
واش لحوال بخير وعافية
صراحة أنا لحد الآن مزال ماخممت في والو واش ندير مع الواجبات
زعم قلت هادي العطلة نديها في الدار ونتعلم حوايج برا لقرايا باسكو راني تتخمت منها بزاااااااااف
حبيت زعما نبدا نتعلم شوية لغة اسبانية ونحفظ القرآن وماما قالتلي نعلمك ليزيكوي
المهم واجباتي انا بزاف
في العلوم عطاتنا وحدة السوجي نحلوه تمارين يمرضو
اما الفيزياء عطانا وظيفة تمارين 15.12.17.16 صفحة والله نسيتها المهم تاع التراكيز وعامل التمدد بلاك ص 134 والله نسيت
الرياصيات ثاني جامي يراطي التمارين عطانا 6تمارين تاع الاشعة آه ه شحال نكره الهندسة
والاسلامية دخلت في القرعة عطاتلنا اسئلة روووووعة ثقافة عامة اسلامية من بعد نحطهالكم وراني متؤكدة تعجبكم
وزيد وزيد اللغة العربية تحضيرات وقالتلنا اتهالو في اكراس سطرو ونظمو وكملو الدروس ***هاذي تهنيت منها باسكو انا دايما شاطرة في هاد لحوايج
وانا قلت كشما نراجع ونوجد روحي للفصل الثالث باسكو راني حابة نبثى على 18 وانا دايتها غير للتفراج والتقرعيج

ماقلتلكم لعراس هادو الايام كثرو في هادي العطلة رووووووووووعة

ايا خلاص يزيني كثر المهم تشكرات على الموضوع وربي يوفقنا بما فيه خير