يالخاوة راني في حيرة****** في بلادي كثــرت لحــــــــــــــــــزاب
يامشطر نـــــاس السياسة ****** والصــــــادق فيهم كــــــــــذاب
في الحمــلة يحلف ويواعد ****** أيعيشنـــا في الســــــــــــــراب
يوم ايريح فوق الكرسي ****** ماايكلم ما ايرد أجـــــــــــــــواب
الشهرية والكروصةوالفيلا ***** زينة محروصةوالخدامة عند الباب
في المجلس ونحوس نجلس ****** رافع صبعي يا لحبــــــــــــــاب
راني ما نعرفش أنعارض *******خايف نخشى من العتـــــــــاب
خوكم أمي في السيــــــاسة ******* ذا الخدمة خدمـــــة عـــــذاب
خذعــــونا ناس النقـــــــابة ******* من لخروطي راسي شــــــاب
خير واحـــد ولا اثنيـــــــن ****** اصبر خـــويا جلدك طــــــــاب
يالهـــــــوني والهربة ويــن ****** من ينسى يوم الحســـــــــــاب