[thorpe]

المشاركة الأصلية كتبت بواسطة جسور المحبة

اهلا باخينا حسين مرة اخرى وحبيت نسقسيك على احوال الوالدة تاعك ان شاء الله شفات من المرض ( عندك تحسبني نقرعج كيما الخالة والله راني صح نسقسي)
المهم بالنسبة للعم هذا راه حاب يخرج منك الكلام وراك عارف كيما يقولو ناس بكري من كليمة صبحت في ظليمة ويطيشلك الراشي ويدي منك الصحيح وراني لحد الان نتصادف بهذا النوع من الناس سواء من الجيران او بعض الاشخاص .................من العائلة واحسن دواء هو كلمة لا اعرف وتتغابى

اما الحالة الثانية راك عارف عقلية النسا لي فارغين شغل حابة تجكي وتخرج منك الهدرة وتدي فكرة عامة حول اوضاع العايلة تاعك وممكن جدا راهي تيراتك بعين هههههههه

الله يستر من هذ الناس ولازم الهدرة معاهم بالغرام والميزان




شكرا جزيلا لك

السلام عليكم
اهلا بالاخت جسور

ههه سقسي عليك الخير خيتي
لالا مسموح السؤال عن الوالدة وربي يحفظكم كامل
انا راني قصدت الي يجيبلك حكايات العايلة كلها وهذا وش راه والاخر كيفاه ؟؟ مع ان بعض الامور تبقى عائلية فكيكف علم بها ؟؟؟ ولماذا يسالك ؟؟
ههه طبعا باش يتاكد ويجيب الصحيح
وهنا لو اخبرناه بالحقيقة سنقع في مشكل اننا افشينا بعض من خصوصيات العائلة
وان قلنا لا نعلم فقد دخلنا في دائرة الكذب والكذب حرام
فماذا نفعل ؟؟
هههه
نبلوكيك
جويت كل خير