اللي ما عندوش الشهادة يبخس اللي عندو و يقول الساتة نتاعي خير من اللليسانس نتاعك أنا نقري الكاتريام و هو ما يقدرش ، ياك انت اللي قريتو قبل ما يدي الشهادة ، مالا راك قاصر في خدمتك
اللي عندو الشهادة يقول اللي زيي يقري في الليسي و يدي خير مني : اللي يقري بالللسانس في الابتدائي يقول صنفوني مع اللي يقري في الليسي .
أنا نقول للي ما عندوش الشهادة علاه تبعت ابنك يقرا في الجامعة ، خليه معاك في الدار بالرابعة متوسط و لا بالترمنال
اللي عندو الشهادة نقولو واش داك للتقرية في البريمار و لا المتوسط لاه ما قريتش في الليسي ؟
كاين اللي عماه البغض و كاين اللي عماتوا الغيرة فيقو راكم في حالة
هذا يدل على ضعف أفق الكثير منكم الدنيا تتبدل و الوقت يتغير و انتما تتراوحو في بلايصكم زي لطرش في الزفة
كانو يقريو في البريمار بالساتة و ولاو بالكاتريام نتاع بكري و من بعد ولاو بالترمينال و دروك ولاو يقريو بالباك + 3
بكري بالساتة دار سوليوتنا في العسكر و من بعد بالكاتريات و جات وراها بالتارمينال و دروك بالباك بمعدل 15 و أكثر
فشلتونا بالنقاشات نتاعكوم واقيلا نبركاو ولادنا القرايا مع اللي زيكوم واش رايحين تعلموهم بالعقلية نتاعكوم ؟
على هذا راه يسرو فيكوم اللي ما عندهومش الليسانس
و على هذا راكم تفوطيو و تطلعو فالغاشي ديبيتي يسلك 30 مليون كي يطلع ينسى عليكم و نهار يخلص يتفكركوم
ناس بكري قرات باطل
قداه كان يسلك عبد الحميد بن باديس رحمه الله؟
قداه سلك اللي كتب بيان أول نوفمبر ؟
قداه كانو يسلكو اللي قراوكوم في الستينات
.....وكتاش تفيقوا : واش تديو معاكم للاخرة ؟المسيحيين يقولو لـ عيسى عليه السلام "يا معلم "
احشموا راكم شوهتوا و مسختوا المهنة نتاع الانبياء يا عرب الصوارد