السلام عليكم
اليوم جبتلكم قاطو ساهل وما يطيبش وبنين ان شاء الله يعجبكم ...وراني مجرباتو خرجلي روووووعة نبدا باسم الله
المقادير /
02 باكيات ديول *كيلو كاوكاو مقلي ومرحي خشن * 01 علبة حلويات الترك ( الشامية ) *شكولاطة بيضاء * شكولاطة سوداء
الطريقة/
نحمرو الديول في الفرن ونفتتوها باليد ونضيفو الكاوكاو و حلوة الترك
نذوبو الشكولاطة البيضاء في حمام مائي دون زيادة اي شيئ ( حليب ولا زبدة ) ونلمو بها الخليط
ثم نشكلو الشكل اللي بغيناه ( انا شكلت مربعات ) ونحطولها القلاصاج الشكولاطة السوداء ونزينوها بخطوط بيضاء للشكولاطة البيضاء ( الشكل والتزيين حسب الذوق )
ان شاء الله تعجبكم ...وتجربوها
تحياتي
جمعة مباركة للجميع