وعليكم السلام
بالنسبة لحال الشباب اليوم يا أخي نقلك علاش خاطر راه لاقيها واجدة
الحاجة اللي يطلبها تجيه والله أعرف شباب ما شاء الله يهدو جبال مزالو يعولو على والديهم يصرفو عليهم
ويحبو يعيشو كي الأمراء خاطر الخدمة تعبهم ولازمهم خدمة ميش نتاع بيرو بالعكس لازمهم خدمة الخلاص من فوق 4 ملايين ولا ميخدمش
واللي يخبيو الدراهم معندنا منقولو عليهم ناس عندها ملايير وتحب تخدم ولادها عند الدولة باش تضمنلهم المعيشة والشهرية
الصحراء فيها شركات ما شاء الله تحتاج عمال والخلاص مليح أيا قالك اللي يروح يعاود يرجع علاش ؟؟؟؟؟؟؟؟ جات في بلاصة بعيدة على البلاد ومكانش وسائل الترفيه لازمهم يخدمو ساعة ويلعبو 7 ساعات الخدمة بزاف تعب ......... ويقولو علاش جابو الشناوة يخدمو فيهم ؟؟؟؟؟؟؟؟؟
وبعدها نسمع يقولو الشباب المتعلم راه قرى وحاكم الحيط منعرف واش قراو نبداها من روحي كي القاري كي الجاهل كلنا كيف كيف
القافز اللي يعول على روحو هداك هو المتعلم
ثاني فئة الجامعيين شكون ضرك يقبل يخدم عند مقاول في البناء واش بيك لازمو مكتب وستيلو خاطر راه جامعي
وكي يوصل 30 يقول شفت الدولة ضيعتلي مستقبلي لا دار لا دوار
على كل حال الله يصلح أحوالنا