تسألني و الدمعة في عينيها
- عمو ؟
- شو عمو؟
- عمو نحنا لوين رايحين؟
- عالبيت حبيبتي . .
- طيب ماما و بابا و حمودة بكونو هنيك؟؟
- لأ عمو بلحقونا
- طيب عمو في أكل بالبيت؟
- اي اكيد
- متأكد ؟ لأنو بحمص ماكان في أكل
- هون بالشام في كلشي ما عاش الجوع يا عمو
- عمو ايمت بدون يقصفو الشام؟؟
- لأ عمو انشاالله ما بيقصفوها .
بدأت دموعها بالتساقط وهي تحدق لعائله في السيارة المجاورة
- شبكي عمو؟؟؟ ليه عم تبكي؟؟؟
- عمو أنا بعرف انو ماما و بابا و حمودة ما بيقدروا يلحقونا لأنون ما قدروا يطالعوهن من تحت الحجار بعد ما ضربوا بيتنا بالصاروخ و رفيقتي راما حكتلي انو راحو عالجنة ،
عمو يا رب يقصفو الشام ،
بدي روح عالجنة لعند ماما اشتقتلا