السلام عليكم نظن الكل يعرف الخبز العربي لكني حبيت نفيدكم بالوصفة اللي نجحت معايا المقادير 1 كلغ فرينة ملح 2 ملعقة كبيرة سكر كاس شاي زيت 1 ملعقة كبيرة خميرة خبز ماء دافيء للعجن نخلط جميع المواد حتى نحصل على عجينة لينة و ما شي جامدة ندلكو مليح و نخلوه يخمر من بعد نشكلو كويرات صغار نحلوهم بالرولو و نرشوها بالفرينة و نحطو قرص فوق قرص و بيناتهم نديرو ورق المطبخ نخليهم يريحو 10 دقايق و نحمي مقلة فوق النار و نرمي القرص الاول غير يبدا يدير فقاعات نقلبوها و نواصلو في التقليب حتى طيب ونعمروها بواش نحبو انا الحشو درت بيض فايض و طون و مايوناز و فريت و سلاطة و طماطم و بصل نتمنى يعجبكم ملاحظة امسحي المقلاة بقطعة قماش فيها زيت في كل مرة قبل ان ترمي القرص الموالي استعمال المقلاة افضل من الطاجين (عن تجربة)