السلام عليكم
عملت طبق باذنجان وحبيت نشارك حباباتي بيه
وإن شاء الله يا رب يعجبكم
المقادير:
باذنجان كمية تكفي للعائلة( حسب تجربتي كل شخص حبة) نغليه في الماء حتى يولي طري والقشرة لازم تكون حاكمة روحها
3 حبات طماطم مقطعة مربعات
دجاج مقطع مربعات
بصل + ثوم
جبن + معدنوس مقطع
ملح+ فلفل أسود+فلفل أحمر حار وحلو
التحضير:
نقطع حبة الباذنجان على 2 ونفرغ محتواها بملعقة صغيرة بلا ما نقيش القشرة
ونقطع المحتوي إلى مربعات
بعدها نبدا نقلي اللحم مع البصل والثوم ونضيف الملح والفلفل الأسود
كي يطيب ننزعو ونحط الطماطم ونضيفلها ملح وفلفل اسود والفلفل الاحمر
كي طيب ننزعها ونحط الباذنجان وبعد ما يطيب نخلط كل شيء مع بعض ونضيف المعدنوش والجبن
ونجيب الانصاف نتاع قشور الباذنجان ونحشيهم بيه
والطبق هدا هو زدت معاه تطبيق إحدى الأخوات للبطاطا في الكوشة
نتمنى تعجبكم وننتظر آرائكم بفارغ الصبر