[محمد جديدي التبسي]

المشاركة الأصلية كتبت بواسطة عياد محمد العربي

نحن نحلم بالزواج

الواقع صعب لكن لابد من العمل
وحتى الأحلام تتحقق إذا بُذلت الأسباب وكان النية صادقة وصافية
المهم التفاؤل وعدم اليأس
والقنوط من رحمة الله من ضعف الإيمان
ربي يوفقك أخي محمد لم نعد نرى ابتسامتك وتفاؤلك عساك بخير
ربي يوفقك أخي ويبعد عنك كل سوء
جزاك الله خيرا

المشاركة الأصلية كتبت بواسطة thorpe

السلام عليكم
اهلا بحبيبي الغالي
اول مرة رايح نتخالفو فالراي انا وانت
يا خويا وشمن فحولة ؟؟ وشمن قفازة ؟؟
يا خويا ماشي سيارة هاذي رايح تشريها هاذي مراة رايحة تجيك للدار
كيفاش هذا عندك 13 مليون تروح تتزوج بيهم ومن بعد تطبق يديك ؟؟
ما تنساش المراة تمرضلك كيفاش تداويها ؟؟ وتشريلها الدوا
ما تنساش العام الاول تكونو جدد على بعضكم يعني لازم تقلشها وتحوس بيها شوي وتوكلها الماماي
ما تنساش كون يجيك ولد ولا ثنين هاذي مصاريف

والله غير في ليكوش والحليب وحدهم تحير
خلي يا يمرضولك الاولاد وووووو

محمد خويا رايي الشخصي انا نحب نعيش الوضع ونتمتع بيه ماشي نتميزر فيه
على الاقل غدوا نكبر ونتفكر ايام زواجي نتفكر ايام ملاح ماشي الميزيرية والديون وبالاك كون يكون الوض صعيب قادر يموتلك الولد من قلة العناية وتكون سبب

ههه اما بخصوص زواجك من قسنطينة مرحبا بيك خويا والله تشرفنا
ارواح ونخيرلك
ذوقي نادر لكن سوف يرضيك (( شخصيا لا اهتم للجمال عليها كون تكون بسيطة في الشكل ما تريكلاميش بصح تصونك في غيابك وحضورك ))

أخي حسين راك طيحلي في المورال
الله يهديك
13 مليون تزوجك نورمال إذا لقيت ناس متواضعين
المهر راه في نصها عند القبايل والشاوية ويعض الولايات الأخرى
صح لازم يكون الانسان خدّام وعليه الكلام
ضرك اللي يخدمو في المهن الحرة والحرف اليدوية راهم مقلشين وعايشين ما شاء الله وطفرت في الموظف العادي والبطال ههه

مالا المهر عندكم مقبول أخي لأني لقيت هذاك النهار موضوع طيحلي المورال في قسم الحياة الزوجية واحد حب يخطب من ثم ويسأل الجماعة فاجئوه بالشروط المطلوبة

بارك الله فيك أخي وربي يوفقك في حياتك