[السيدة كرمين]

المشاركة الأصلية كتبت بواسطة fifiarch

مساء الخير كل اخواتي في الدورة
احلى مساء ليك سيدتي حبيبة واختي كارمن

كالعادة راني نحكيلكم يومي
نضت الصباح على السابعة والنصف
قمت فطرت وغسلت وكل شيء
جمعت الفراش نتاعي انا واختي و نظمت الغرفة والملابس
بعدين طليت عليكم وقلت صباح الخير في المنتدى
رحت للخدمة ورجعت الثانية عشر ونص
نحيت حوايجي بالخف
ورحت قليت غدايا
لانهم دارو غدا انا مانكلوش
ماما خرجت على التاسعة والنصف من الخدمة
لانها معلمة فرنسي ماتخدمش دوام متواصل
نظمت المنزل و كنساتو غير جيهة الكوزينة والدوش برك سيقتهم
تغدينا و غديت القط وغسلت المواعن
رحت نظمت الملابس نتاعي في الخزانة وتوضيت صليت
درت دورة في المنتدى و اجبت على استفسارات البنات لي معايا في دورة التروسو
بعدين وصلت الثلاثة درت قيلولة خفيفة نتاع ساعة
على فكرة انا مانخدمش المساء الا نادرا
بعدين نضت من القيلولة و رحت بديت نحضر في العشاء
درت برانية و سلاطة عادية واخرى مشوية
تعشينا و عشيت القط
رحت خدمت شوي في التروسو نتاعي حوالي ساعة لاني مخصصة ساعة للعمل فيه يوميا
بعدين جيت حطيت الدرس الجديد للاخوات لي معايا في دورة التروسو
طولت شوي فيه
بعدين رحت صليت
و رجعت اجبت على بعض الاستفسارات
بعدين رحت قريت شوي قران كملت اليوم الاحزاب الثلاثة الاولى
وجيت نحكيلكم نهاري
نزيد شوي مع لبنات ونروح نحكم بلاصتي
واااش رايكم في نهاري

الله الله عليك فحلة وشاطرة ونشاطر ختي حبيبة يارب تكوني رافدة على الوادة

أغلب الشغل خاصة وانك متخدميش لعشية

لي راه عاجبني فيومياتك هههههههههه هو القط

ما تستغربيش للأسف نكره حاجة واسمها قط أو أي حيوان فلبيت مي هو بذات

أأأأأأأأأه نكرهوا وكي يبدا يتلسق

مي عطاني ربي بولد زي لقط ويحب لقطوط

كي يشوفوا يقلب ادنيا عياط خايفة يجي يوم ونضطر نربي قط هههههههههه

راني نتعلم منك وش نعمل معاه ديريني فلحساب

ولي عجبني أكثر ترتيبك لأعمالك فهذا شئ رائع نهنيك عليه