اقتباس:
المشاركة الأصلية كتبت بواسطة fifiarch
مساء الخير كل اخواتي في الدورة
احلى مساء ليك سيدتي حبيبة واختي كارمن
كالعادة راني نحكيلكم يومي
نضت الصباح على السابعة والنصف
قمت فطرت وغسلت وكل شيء
جمعت الفراش نتاعي انا واختي و نظمت الغرفة والملابس
بعدين طليت عليكم وقلت صباح الخير في المنتدى
رحت للخدمة ورجعت الثانية عشر ونص
نحيت حوايجي بالخف
ورحت قليت غدايا
لانهم دارو غدا انا مانكلوش
ماما خرجت على التاسعة والنصف من الخدمة
لانها معلمة فرنسي ماتخدمش دوام متواصل
نظمت المنزل و كنساتو غير جيهة الكوزينة والدوش برك سيقتهم
تغدينا و غديت القط وغسلت المواعن
رحت نظمت الملابس نتاعي في الخزانة وتوضيت صليت
درت دورة في المنتدى و اجبت على استفسارات البنات لي معايا في دورة التروسو
بعدين وصلت الثلاثة درت قيلولة خفيفة نتاع ساعة
على فكرة انا مانخدمش المساء الا نادرا
بعدين نضت من القيلولة و رحت بديت نحضر في العشاء
درت برانية و سلاطة عادية واخرى مشوية
تعشينا و عشيت القط
رحت خدمت شوي في التروسو نتاعي حوالي ساعة لاني مخصصة ساعة للعمل فيه يوميا
بعدين جيت حطيت الدرس الجديد للاخوات لي معايا في دورة التروسو
طولت شوي فيه
بعدين رحت صليت
و رجعت اجبت على بعض الاستفسارات
بعدين رحت قريت شوي قران كملت اليوم الاحزاب الثلاثة الاولى
وجيت نحكيلكم نهاري
نزيد شوي مع لبنات ونروح نحكم بلاصتي
واااش رايكم في نهاري
|
الله يبارك عليك حبيبتي
ماشاء الله عليك
راكي كي النحلة
ربي يسترك مالعين
شي جيد كي راكي ما تخدميش لعشية
ممكن تنظمي وقتك أحسن هاكذا
و تقسمي الاعمال بينك و بين ماماك
و نتمنى تكوني رافدة عليها أغلب الشغل
هاكذا باش تريحيها و تدي دعوة الخير حبيبتي فيفي
ربي يدوم عليك هاد النعمة
و ان شاء الله
رايحة نتبع تطبيقاتكم
و كلما نشوف أنكم محتاجين شي نصيحة أو تكون عندي ملاحظات
اللي تزيد تحسن تأديتكم لأعمالكم
رايحة نعطيهالكم بإذن الله
ربي يباركلك في وقتك و اعمالك
و تصبحين على ألف خير
تهليلنا في مينوش