اقتباس:
المشاركة الأصلية كتبت بواسطة fifiarch
شوفو لبنات انا نعطيكم رايي وانتم واش تقولو
انا شفت كوفرولي سموكس بكل اللواحق نتاعو لكن الساتان نتاعو ماشي مليح مبصح فيه برشة مخاد
يعني تقريبا ستة ووحدة قلب
ونحنا نخدمو غير اربعة برك واذا حبينا وحدة قلب
والخياطة نتاعو مزروبة و ماشي متقونة يتباع بتسعمية الف و ستين
يعني تقريبا مليون
انا السلعة لي شريتها لحد الساعة جاتني ثلاثميات الف
يعني كون نزيد قماش المخاد والستارة وزينتها
اعتقد توصل لخمسمية الف
انا نعتقد نفس سومة السلعة نفسها سومة الخدمة زائد الربع
ايعني الكوفرولي لي سلعتو خمسية مية الف
نزيدولو خدمة اليد خمسمية الف
و حوالي مية الف او متين نتاع التريسيتي والتعب الزايد
انا نقول مليون ومتين لكوفرولي الياسمينة المقلوبة
اما الانواع الاخرى كيما الياسمينة
تكون اقل
والضفيرة تكون اقل خلاص لانها ماتشدش اليد بالزاف
واش قلتو |
يسلمووووووووو اختي فيفي.........جبتيها تاع الصح من الالف الى الياء
انا سقسيت واحد قال لي مليون و نصف ...ماشي محشي ........
سلام يا لبنات