[مريم الصابرة]

المشاركة الأصلية كتبت بواسطة لذريق

السلام عليكم أختي الكريمة مريلينا
موضوع مميز كعادتك
الكريدي عدو التجار بالدرجة الأولى ، صح هو التداين نضطر اليه أحيانا ** مول التاج و يحتاج** و هو دليل على الرحمة و التعاون في المجتمع......لكن الملاحظ و المعروف أن الناس و مع قلة الوازع الديني أصبحت تاكل الدين كيما نقولو
ممكن تجدين شخص يقرض الناس أمواله و عرق جبينه و في الأخير جزاؤه جزاء سنيمار و الله المستعان و أصبح الشخص لما يطالب بديونه يقال له **زوج دورو هبلتنا عليها ** ياكلوه و يدوله دراهمه و يسبوه من الفوق
يحكى أن شخصا ممن يحترفون سرقة أموال الناس عن طريق السلف و الكريدي قال للشخص ذكي سلف لي دراهم ،فقال له الذكي : أطلب منك طلب فقال : تفضل ،قال الذكي : سبني ( اشتمني ) فقال المحتال واش راك تقول ، حاشا نتا راجل مليح و بعد الحاح وافق الأخير و بدأ يسب في الذكي ، بعدها قال له الرجل الذكي ** سببتني و دراهمي في جيبي خير من أن تسبني و دراهمي في جيبك** و رفض أن يعطيه
لذا أصبح من يقدم على الكريدي مثله مثل من يريد افساد ماله و تركه للضياع
شكرا أختي مريلينا و ربي يوفقك لكل خير و يقر عيوننا بشفائك
ســـــــــــــــــــــــــــــــلام

السلام عليكم اخي كيف الحال ؟ وأسومة الغالية ربي يخليهالكم
شكرا على المرور والإضافات الرائعة فالحقيقة أنا ما نحبش الكريدي أو نفصد الناس محال الحمد لله وكيما قلت مول التاج ومحتاج ربي يخليلي الوالدة نتاعي ما تخلينيش نحتاج لأي حاجة أو نحتاج للناس وأنا قنوعة الحمد لله ما نخليش الوالدة نتاعي تتكلف بشي أكثر من طاقتها ولكن مرات مصاريف المرض راك عارف الطاكسيات والدوا وإلخ ولكن نديرو حسابنا عند بداية الشهر ورانا عايشين الحمد لله
شكرا على المرور الرائع اخي ربي يجازيك عندي طلب واحد منك لو سمحت
اللونين هذو اللي كتبتلي بيهم قريب ما رديتش على المشاركة نتاعك ظنيتك عضو يا اخي كل مرة يهاجمني فالردود وشخصيا يتعمد يهيني مع إني ما نعرفوش شخصيا وما درتلو والو ويكرهني الله يخليك إكتبلي بأي لون إلا اللونين هذو كرهتهم على جالو شكرا اخي العزيز