[عطر الملكة]

المشاركة الأصلية كتبت بواسطة thorpe

الله يحفظك اخت عطر
ربي يجازيك

اخذناها يا اختي وجبنا الطبيب حتى للدار

حالتها متذبذبة مرة تبان تحسنت ومرة اخرى لا
الان تبان تحسنت شوي

النوم والله وليت ما نعرفو
صح مكاتيب ربي
بصح الضمير تاع هاذو الجدد غايب
المرة الي عدات ديتها للمستشفى فالليل لقيتهم مخبيين في غرف وما نحكيش

المستشفيات ولات اوتيل تاع الرقاد وميزو درونديفو وبيوت دعارة

ربي يجيب الي فيه الخير

اخي حسين ربي ينزل الشفى المؤمن دايما مبتلى
انا والدتي منذ سنوات مرضت مرضى غريبة كي نقلك 3 اشهر ما تتحركش من الفراش و مرة تبان مليحة و مرة ترقد كامل حتى نحسبوها ............. ابسط ضروريات الحياة ما تقدرش تعملها و ما نحكيلكش على الاطباء و الأشعة وووووووووو لكن كي حب ربي ينزل الشفا راهي شفيت كان ذلك منذ سنوات
اما عن حال المستشفيات مع الاسف راهي بارتو
في فترة من الفترات كنت نحسب انو مستشفى الجلفة يعتبر المستشفى الاسوء من حيث الخدمة لكن لما رحت مرة من مرات لبسكرة و مرضت امي نقلناها لمستشفى نتاع بسكرة الطبيبة مشنفة و تهدر غير بالغرام و بشكل سؤال جواب لم تفحصها و لم تهتم اصلا
بالكاد تكرمت و قاستلها الضغط
و هاك انت زدت حكيت عن الوضع عندكم مما يدل على ان حال المستشفيات الجزائرية يكاد يكون واحد في كل الولايات
تمسخير كبير يتعاملوا مع المرضى باحتقار و كانهم فئران تجارب
الله يهدي ويصلح الحال