السلام عليكم يالحباب اليوم قضيت نهاري كيما يلزم الحال يعني الحمد لله راني راضية على نفسي في المساء طيبت لمسمن باش يستقهوا زوجي وفي لعشا طيبت لبايلا وصليت العشا
نشكر كم على نصايحكم ام امجد كلامها طيب وام مارية كلامها نبهني اد اني كنت رايحة نزيد ندلل اختي ونطلب منها العفو وهي تفهم بلعوج اد انه على صواب صح ام مرية اختي سكت عليها من صغرها تسبني قدام لكبير وصغير قدام لغريب ولقريب
اما حبيبة لحبيبة كلامها دمعلي عينيا ولكان فيها سحر هده المراه او كانها ملاك انساني يداوي الجروح ويدعوا لطريق الصواب ياليتني اكون مثلك يوما
اه تفكرت اليوم ماتفرجت التلفاز شعلت قناة القران فقط وقريت القران مع بنتي والتلفاز هدا كنت نقعد قدامو من الوحدة حتى الخمسة يالطيف كي نوض انحس نفسي مريضة وعيانة اليوم الحمدلله انا في اتم النشاط فكم هو رائع ان نرضي الرحمان ارجو من الله ان يهدينا جميعا لطريق المستقيم