2012-02-29, 20:54
|
رقم المشاركة : 3
|
 معلومات
العضو |
|
|
|
إحصائية
العضو |
|
|
|
اقتباس:
المشاركة الأصلية كتبت بواسطة ام مرية
السلام على من اتبعى الهدى وصلي اللهم وسلم على حبيبك محمد
الحلقة الخامسة الصالون
سميت بسم الله وتوكلت عليه
اول شي خملت كامل الفراش وزرابى تابي دور كنت ديجا ديتهم لدارنا وغسلتهم ونشفتهم ورجعتهم وحطيت طابلة عالية على مستوى ظهري باش ما يوجعنيش وفرغت البيبيوتاك عليها ومسحتو منالداخل بخرقة مبللة بالخل ومن برى بالبونيش وحطيت باسينة فيها ماء وصابون وقشور الحوامض وباسينة فيها ماء وقرفة عود وبديت نغسل ماعن البيبيوتاك وحطيت ليسارفيس نتاع القهوة بجيه ونتاع الاكل بجيه ونتاع الشرب بجيه الخ وغسلت ليزار نتاع البالكونة والزجاج وليكادر الي في الحيط وشمخت نشاف جديد في ماء وصابون وجوزتو على الحيوط وشللت ورجعت مسحت الارضية ونشفتها وبلعت الباب ورحت للكوزينة والعشية ليه حولت لابيبيوتاك مع لااجلي لمكان اخر هاكا خلاتلي مساحة كبيرة في الصالو ورجعت الماعن لمكانهم وكيما عادتي غيرت في الديكور وفرشت وعطرت الصالو ورجع ما يتعرفش والحمد لله
الى اللقاء في الحلقة الاخيرة
|
و عليكم السلام حبيبتي
الله الله
على النحلة نتاعنا
راكي تسري الخاطر بعملك المتقن
و المتزن
الله يبارك عليك
و يا سعد زوجك و أهلك بيك
حسن تدبير و ترتيب للأمور و الاشغال
ربي يدوم عليك هاد النعمة
اللهم آآآمييين
اقتباس:
المشاركة الأصلية كتبت بواسطة ام مرية
السلام عليكم
هاهي الحلقة الاخيرة من المسلسل الذي حطم مهند ونور وووووونعرف غير هادو المهم حطم الافلام التركية
. والهندية وال.....مانعرف واش
البلكون
فرغت خزانة الخردة ومسحتها وفرزت قشها الي نحتاجو رجعتو والي يترمى رميتو غسلت الحيوط والارضية وباب البالكو من الخلف لانومن الامام غسلتو مع الصالو
ورحت لبيت الغسيل عملت غسلة للماشينة لافي اممممم واش نقلكم والحيوط والنافذة والزجاج ودرت الجافيل والصابون والماء السخون للارض وحكيتها مليح وخليتها شوية نشفت الماشينة وغطيتها بغطا كنت شريتو ونسيتو الله غالب نساية وغسلت السيتيرنا من داخل وبرى
ورجعت شللت الارض ونشفتها وبلعت الباب والسيتيرنا كانت اصعب حاجة وخدات مني قريب 2سا لاني كنت وحدي ومرية تتشبلق معايا هاداك النهار صح عييت
والحمد لله درك راني غير نكونطرولي على الخدمة ديالي وما زال كلشي في مكانو وزيد راني نستعمل برنامج نضفي بيتك في 30د وخرج عليا ما عدا كي يكون نهار غسيل الحوايج
المسلسل من اخراج ام مرية وتمثيل وانتاج والكل في الكل
والى اللقاء في مسلسل اخر الله لا يقدر
|
و عليكم السلام لحبيبة
هههههههه
قريت لختي هاد الحلقة
و الله ضحكتينا مالقلب
فعلا مسلسلك حطم شبابيك السينما و التلفزيون
و حتى الانترنت
الله يعطيك الخير أم مريا
راكي نجحتي في التحدي اللي حطيتيه لنفسك
و كنتي في المستوى عن جدارة
لوكان جيت نقدر
لوكان حطيتلك وسام تحت الاسم نتاعك
لكن الله غالب
ماعليش
المهم أتك راكي تتمتعي بالنتيجة اللي لحقتيلها
و راكي زاهية في دارك و راضية عن نفسك
هذا هو الوسام اللي راه تعلق على قلبك حبيبتي
ربي يدوم كل هاذ النعم عليك
و ما تحرميناش من مشاركاتك
و أفكارك و تدابيرك
ربي يخليك لينا حبيبتي
|
|
|
|