[مريم الصابرة]

المشاركة الأصلية كتبت بواسطة اميرة الجزائر2010

ربي يهنيك ختي
هههههههههههههه ضحكتيني كي قلتي هذا الصيف ربي يهنيك و يخليك
مي والله تاثرت كي حكيتي على الوالد رحمه الله و على خطيبك ربي يرحمهم الدمعة كانت راح اطيحلي والله تاثر ربي يعوضك ان شاء الله

السلام عليكم اختي العزيزة وعلاه لالا إنت ألماس والالماس غالي ويشره غير اللي غالي الذهب الناس كاملة دير فيه مي الالماس قليل ونادر إنت هكذاك وراح يديم واحد قليل منو راجل بمعنى الكلمة إن شاء الله
الوالد نتاعي توفي صغير 44 قي عمرو وبعد ما عانيت من الوفاة نتاعو مرضت والحمد لله ربي عوضني بخطيبي إنسان هايل وحبني بزاف وحتى انا حبيتو لدرجة ما تتصوريهاش لقيت فيه الاب والاخ وعوضني على كل شي ونساني حتى إني مريضة وقبل بيا مريضة كان يقولي معليش أنا رجليم إنت ريحي ما ديري والو أنا نخدم في بلاصتك المهم تكوني قدامي والشخص الوحيد اللي لقيت فيه حنان الاب توفى هو ثاني تخيلي بابا يموت مرتين عانيت ومازلت نعاني مي نصلي وندعي ربي صباح والعشية ومن بعد تلاقيت بشخص إسمو كيما خطيبي وكنا على علاقة مي فالهاتف برك وتعرفت على اهلو وأهلو تعرفو عليا وكان راح يخطبني منين صارحتو بمرضي خلاني وزاد عايرني من بعد وقالي أنا نحتاج مرا بصحتها خلي برك ختي القلب معمر مي ربي كاين
إن شاء الله دمعتك ما طيحش ونهار طيح يوم تكوني خارجة عروسة لو جيت في بلاصتك ما نبكيش نخرج ونولول هههههههه شكرا حنونتي