[السيدة كرمين]

المشاركة الأصلية كتبت بواسطة ام رفيف

زميلاتي انا موظفةواريد المشاركة لكن لديا مشكلة وارجو ان اجد لديكن الحل .مشكلتي لا استطيع المواصلة على البرنامج الذي اضعه راني عارفة ضعف مني بصح وش لازم حتى نقدرنتغلب على نفسي

المشاركة الأصلية كتبت بواسطة حبييبة

مرحبا بالحبيبة أم رفيف
ممكن أتدخل بعد إذن الحبيبة كارمن
و نرد عليك ببعض النصائح
في انتظار حبيبتنا كارمن
و باقي البنات يردوا عليك
بنصائح توالمك و تفيدك بإذن الله

باش تقدري تقضي على الكسل و تتمسكي أكثر بقراراتك
و أعمالك و البرنامج اللي تحدديه لنفسك
و تكون عندك عزيمة و قوة
إن الله لا يغير ما بقوم حتى يغيروا ما بأنفسهم
لذا ننصحك بالصلاة في وقتها على الاقل الصبح و العصر
إذا أمكن نعرف المرأة العاملة
صلاة الظهر طايرة الدولة نتاعنا ما دايراش اعتبار للصلاة
في تحديد أوقات الدوام الله غالب
على كل ربي يكون في عونك حبيبتي
ثانيا و المهم تداومي على قراءة الأذكار دقيقتين الصباح و دقيقتين العشية
و راكي شارجيتي الباتري نتاع قلبك خخخ
قراءة القرآن
يا لوكان صفحة فاليوم و ماعليش
المهم ما تهجريش المصحف
التسبيح و خاصة الاستغفار في سرك طول الوقت
و الاستماع للقرآن قدر الامكان و تشغيل القرآن فالبيت لطرد الشيطان اللي يسببلك هاد الكسل و الخمول
و أخيرا قبل النوم ننصحك باش تقري المعوذات
و آية الكرسي و سورة الفاتحة
و تسبحي 33 مرة سبحان الله
33 مرة الحمد لله
34 مرة الله أكبر

ربي يحفظك حبيبتي و يفتح عليك كل أبوابه
و يعطيك الصحة و الهنا
و يحققلك كل ماراكي متمنية
اللهم آآآمييين

شكرا اختي الحبيبة حبيبة

فعلا الجانب الديني يجعلك أكثر نشاط

عزيزتي أم رفيف و ايضا يباركلك ربي في وقتك

وبالنسبة لمتابعة البرنامج خلي روحك تنافسية

باذن الله تقدم اختي حبيبة البرنامج الشهري

وما عليك غير توضعي كل يوم وش قدمتي

اعقدي العزم أنك تكوني الفائزة الأولى بالدورة

ياختي دزيريات معروفات بشطارتهم ولا وش قال

رانا معاك لأي شئ تطلبيه يوم بيوم


والله المستعان