[حبييبة]

المشاركة الأصلية كتبت بواسطة اشورة

اليوم نقيت غرفة عجوزتي ربي يحفظها :
قريت الاذكار(عطلة)ورحت وجدت الفطور و حطيتو و فطرنا و دوزنت الغدا وخليتو يطيب و غسلت المواعين نتاع الفطور و اللي دوزنت بيهم نقيت الكوزينة كالعادة و سيقت الشنابر و مسحت الغبرة وعطرتهم+الحمامات و من بعدها درت للغرفة بديت بخزانة الملابس فرغتها كامل و مسحتها مليح من الداخل و درت فيها لناب و طبقت الحوايج و رجعتهم فيها و مسحتها من البرا بمزيل الغبار والكمودينات نفس الشيء +التسريحة مسحتها وبدلت لناب و ستيكتها مليح و خرجت المرتبة للشمس ومسحت الغبرة من السرير و سيقت الشونبرة وبدلت الريدو ومسحت الشباك و كي نشفت دخلت المرتبة وبدلت الدروات ودرت كواة جديدة درت معطر الجو وكملتها وتغدينا وغسلت المواعين و ديت قيلولة و العشوة طيبت القهوة+البسبوسة (راها حاكمة عليا هاد النهارات حتى نولى راجلي يقولي مراكيش تتحومي بحال................ههههههههههههههههه) وجدت العشا وجا سلفي تعشى عندي غسلت المواعين ورتبتهم وسيقت الكوزينة و درت الماسك و قريت الادكار

ربي يحفظك أشورتي
واش نقولك
شحال نفرح كي نعرف
كاين وحدة تتهلى في والدة زوجها كيما تتهلى في والدتها
ربي يكثر من أمثالك
و يزيدك من نعيمه
و يفتح عليك كامل البيبان
و يرضى عليك و يرضيك
كيما راكي مرضية زوجك
اللهم آآآميييين