[حبييبة]

المشاركة الأصلية كتبت بواسطة لآلئ

والله دورة تشرح النفس
وتنحي الغمة على القلب الله يحفظك حبيبة ويسترك دنيا وآخرة
راني قريت شوية من التدخلات نتاع الأخوات
للاسف ما قدرتش نتبع كلشي
ويا خسارة والف خسارة مرتبطة بدورات اخرى تالي نكون معاكم
ونطبق كل شيء بحذافيره لانه برنامج ولا أروع
ان شاء الله نكملو دورة تصميم الأزياء هذا الأسبوع
وساشارك معكم بجدية اكثر
والله سامحوني
حفظت من القرأن من قبل 10 أحزاب منهم 5 حفظ جيد
و5 الباقيات شوية
اريد ان ارجع للحفظ ثانية
ولكني اردت الحفظ برواية ورش عن نافع
باحكام التجويد
لا ادري هل انتم تتبعون هذه الطريقة ام؟؟؟؟
اما عن اعمالي :
اليوم اعمال المنزل العادية اضافة لغسل باب المنزل من الداخل والخارج ومسحه
وكذا الاطار المحيط
غسل درج العمارة مع الجيران
كل واحد ينظف جيهته
تشميس المفارش والأغطية
غسل المعاطف وبعض احذية الأولاد و المآزر وباقي الغسيل الموجود عندي
سيقت غير الكولوار و نقيت كامل البيوت والزرابي
صلوات الفريضة لا غير مع بعض اذكار الصباح
خدمت شوية في ما يخص تروسو السموكس
ومن ثم الى الآن وانا مع ابنتي في مواد الحفظ بتطبيقاتهم
اما من الناحية الجمالية: قبل ما ندير الماسك نتاع الحليب والنشا
شفت وجهي لازمو تقشير درت القارص والسكر ثم الماسك
ومن بعد درت le lait pour bebe
ونيمت الاولاد وجيت كتبت ليكم واش درت

الله يبارك الله يبارك
كامل هاذ الشغل و تقوليلي غير عمل عادي
راكي قايمة بدارك كيما يلزم الحال
بارك الله فيك
عجبتيني انتي و جيرانك
كي تفاهمتوا و تعاونتوا على النقى معا بعض
ربي يطيب بينكم و يدوم المحبة بينكم حبيبتي
اللهم آآآميين
تبارك الله عليك
راكي شاطرة في كل الجوانب ربي يسترك مالعين
ماعليش حبيبتي الشي اللي يقدرك عليه ربي اعمليه
قليل دائم خير من كثير منقطع و الله أعلم

بالنسبة للحفظ أنا كنت نحفظ فالمسجد
على يد أساتذة في الشريعة ثم على يد إمام
باحكام التجويد برواية ورش عن نافع
و مازلت نحفظ على هذا المبدأ
لكن فضلت تكون إحدى الأخوات العالمات بهذا العلم ان تتولى
طرحه لكن
فندعوا كل من كانت تدرك أحكام التجويد و تتقنها
أن تتطوع لتساعدنا في تطبيقها
على ما نحفظه و نقرؤه يوميا
و لها الأجر كله بإذن الله