[فتـ حييةـاة]

ا امي العزيزة في قسم شقائق الرجال كاين فنانات ومبدعات من الدرجة الاولى ماشفتيش المواضيع والصور؟؟؟ كاين وحدات الله يبارك داوها للسيدة بوحامد ولشميشة وخليني نهدرلك بصفة خاصة على قسم الطبخ لاني نعرف العضوات اللي فيه مليح لانني من اوفياء هذا القسم تابعت قبل ما ننتقل للاقسام الاخرى فيه سيدات ماشاء الله مثال للمراة تاع الدار كل صبع بصنعة نحفظ اسماواتهم وحدة وحدة وانا ندور فاقسام المنتدى الباقية مالقيتش ولا وحدة من السيدات اللي مضاري نشوفهم في قسم الطبخ لا في نقاش ولا رد ولا موضوع والله العلي العظيم من قسم شقائق الرجال مايخرجوش ويعطيهم الصحة ان شاء الله ويكثر من مثالهم يعرفو يسالو غير على الديكور على الاشغال اليدوية على الخياطة و الاطباق والحلويات اما الحوايج الباقية كاين وين يروحو يتكلموا فيها وصدقيني يا مي كاين سيدات في قسم شقائق الرجال نحتارمهم بزااااف واستفدت منهم بزاااااف واول ماسجلت فالمنتدى سجلت علاجال قسم الطبخ وديت منهم وصفات وطبقتها وفرحت ودعيتلهم ربي ودرتلهم موضوع شكرتهم فيه ولو اني عارفة بلي مايوفيش حقهم

وشؤون تعليم ولادهم نظن بلي يتابعوها فالمدرسة خير واذا دارو موضوع ولا زوج تاع طبخ ماراحش يشدهم باش يشوفو شؤون ولادهم تاكدي بلي اوقات الفراغ برك راهم يمارسو فيها هواياتهم وانا من عندي يغزون مندى شقائق الرجال و مايغزوش الشوارع

كيما انتي يا امي عندك خدمتك راهي ملهياتك هوما عندهم قسم شقائق الرجال راهم ملهيين رواحهم فيه وندعو ربي يسعدهم ويكون معاهم لانهم نفعونا ودينا عليهم صوالح تستحقاهم كل مرا ربي يكثر خيرهم ويباركلهم في صحتهم راهم ينقصو من مصروفهم ويتعبو ويورو و يحطولنا مواضيع غير باش نتعلموا وحنا ممكن ننقلو الوصفة ونخرجو مانخسروش عليهم حتى شكرا

وماتتوقعيش انو وحدة ملي هدرتلك عليهم ترد عليك لانهم من ذاك القسم مايخرجوش

ذنبهم انهم شاركو قسم منتديات شقائق الرجال ولوكان راحو شاركو في غرف الدردشة مع الرجال مانظنش كنا نديرولهم هاكا

(والله لو كتب الموضوع رجل كنت عذرته للاسف جا من عند مرا +استاذة +50سنة )