اقتباس:
المشاركة الأصلية كتبت بواسطة ام مريم الجزائرية
السلام عليكم لبنات كيراكم توحشتكم الله يبارك عليكم غير الساجية واختها
رحت لاختي اللي ولدت بصح البارح مارحتش كملت شغلي وبرنامجي اللي هو
نضت الصباح صليت ودرت اذكاري وطيبت الحليب وشربنا وغسلت الماعين خملت الكوزينة كامل ورجعت للبرنامج غرفة البنات يا عيني عليها ههه خرجت كلش فرغتهااااااا وغسلت الحيوط والتاقة والباب ومسحتهم ودرت برودوي فالارض وحكيتها وسيقتها كي نشفت رجعت كلش بعدما تشمسو بمساعدة البنات عاقبتهم باه مايربجوش هههه ورجعت للخزانة هبطت الكسوة ومسحتها وطبقنا ورجعنا كلش لبلاستو ولات تشعل حتى البنات فرحو بصح اليوم صبحت شوية مربجة هذوهما الاولاد ربي يحفظهن ويصلحهن ونفس الوقت درت الماشينة غسلت الكسوة والحمد لله
ام رحمة اختي ربي يرزقك عاجلا اختي ديري اسباب وقوي الاستغفار والصدقات وكاين خلطات طبيعية لتاخر الحمل
اشورة ربي يشافي بنتك
حبيبة ماكيش تباني بزاف كيراكي اختي
صبرينة غائبة ان شاء الله خير مممم شكون نسيتها ملاك تهلاي في امك وراكي ماشاء الله سجاوة
واللي نسيتها تسمحلي
الى العمل
|
و عليكم السلام
حبيبتي أم مريم
الله يبارك عليك و على فراشاتك
ربي يخليهملك
و يحفظهملك من كل شر
ان شاء الله راكي قادرة تفرضي شوية انضباط في البيت
ولا مازال ما والفوش الروتين الجديد نتاع ماماهم؟؟
ربي يباركلك في أعمالك حبيبتي
و استني مني رسالة
راني حاولت نبعثلك لكن الموقع ما يحبش يطلعها
تبقى غير تما ادور و ما تطلعش
رايحة نجاوبك على سؤالك الخاص بالعناية بالبشرة
هنا حبيبتي
راكي عندك نفس نوع بشرتي
حتى أنا عانيت منها كثير
أبشري حبيبتي