اقتباس:
المشاركة الأصلية كتبت بواسطة لآلئ
السلام عليكم أخواتي و حبيباتي
اختي حبيبة كنت مريضة برأسي لذلك لم أدخل ولم اكتب ما قمت به
بالأمس لم اتمكن من تطبيق البرنامج لانه كان عندي غسيل كثير لاني كنت غائبة عن المنزل
اضافة لغسل كل ما نزع في الحمام والمناشف ...
اما اليوم فاني استدركت وقمت باعادة تلميع المطبخ وخاصة الفايونس
لو كان تضحكوراني لمعتو بالخل
الخل استعمله للتنظيف في المطبخ ووجدته اروع شيء للتلميع
ونظفت وبدلت الستارة وغسلت الأخرى
كذلك اعدت تنظيف الشباك وقطارة المواعين
كذلك نطفت
اعدت مسح الليستر نتاع المطبخ وكل الخشب الموجود فيه بالمنظف الخاص للخشب وانا استعمل بليز
كذلك قمت بتنظيف الفرن وعلب البهارات
فانا سبقت بيوم في العلب
اضافة للعمل اليومي للشغل
اما من الناحية الجمالية فانا اقوم بالترطيب منذ بدات معكم
واليوم قمت بالصنفرة بدل امس اضافة للترطيب وغسل الأسنان
آسفة أختي حبيبة للتأخير وذلك خارج عن نطاقي فانا مشاركة في دورة تصميم الأزياء والباترون ودورات السموكس
كذلك بعض الخياطة بالمشينة
الجانب الديني راني نصلي صلوات الفريضة فقط
مع الأولاد و النهار قصير
لذلك اجد نفسي لا أجد وقت للردود
فان سمحت يمكنني ان اشارك في دورة مستقبلية حتى انهي البعض من الدورات
لاني اود ان اشارك في دورتك بكل ما فيا لانها أعجبتني كثيرا فأعانك الله وجعلها في ميزان حسناتك
ولكني سأبقى متابعة للبرنامج لأنه خفيف ورائع
ما رايك انتظر اجابتك بفارغ الصبر؟
وان كان بامكاني المتابعة هكذا فانا جد شاكرة
|
صباح البركة و السعادة
على أحلى لآلئ في المنتدى
لاباس عليك حبيبتي
بالشفا ان شاء الله
تباريك الله عليك راكي نحلة في دارك ربي يسترك مالعين
و يعطيك الصحة و الهنا
عندك الحق الخل منظف سحري
ممكن تستعمليه للتلميع لكل ما هو زجاج مثل الشباك و الاواني
تاني تستعمليه باش تنظفي الدهون اللي تكون لاصقة فالحيط ولا الكويزينيير ولا الاواني
و ممكن تستعمليه كمعقم طبيعي
حاضر حبيبتي خذي راحتك
ما عندي حتى مشكل
المهم تكوني راضية و مرتاحة في بيتك
هذا هو الاهم عندي
ممكن إذا حبيتي تاني
تدخلي مرة فالاسبوع تعطينا تقرير خفيف
على تطبيقك للبرنامج نتاع هاداك الاسبوع
غير نقاط فقط يعني ماشي سرد مفصل
لكن رؤوس أقلام عملت كذا و كذا و كذا
و اليوم الموالي كذا و كذا راكي فاهمتني؟
بالنسبة ليا الحاجة اللي تريحك
راني معاك فيها
و أي شي تحتاجيه رانا كامل هنا
ما تتردديش أبدا باش تقصدينا حبيبتي
راكي فالقلب حبيبتي