اقتباس:
المشاركة الأصلية كتبت بواسطة chiraz16
صباح الخير اختي فيفي وكل الاخوااات
اختي فيفي يعطيك الصحة والله غير معلمة ونصف فكرة الفيديو روعة
اليوم راني شريت القماش وبعض اللوازم حكمتني الشتاء في الطريق مانقولكش كيفاش لحقت لدار القماش والصاك فيد وابني فيد
ضك انريح شويا ونوض للقماش نقطعو ونخيطو ونبدا انشاء الله راني شريت 12م
بالنسبة للاخوات الي خايفين من تقطيع القماش والتخطيط ساهل الحال عندي طريقة مريحة ومتعدبنيش والخدمة بيها تجي ساهلة وقيس قيس انا انسل الخيط نجبدو برك مانحيهش امبعد كي يبان الخط نرجع نسرحو او هكدا مانخسر القماش ونرتاح
وبالنسبة لعمل غرزة اليتسمينة انا انسل الخيط ونحيه كامل يتغطى المكان بالغرزة ومايبانش خلاص اعتمدو هاد الطريقة وماراحش تندمو ودعولي
|
اهلين اختي شراز ان شاء الله الصحة بخير
في انتظار الصور
بصحتكم الشتاء
نحنا اليوم نهار ربيعي
مبعد الظهر تقلب الجو بالاك بعثتيلنا المطر
بالنسبة لطريقة الخيط كي عاد تجبديه برك ممكن تكون ناجحة لانو انا افضل طريقة نتبعها هي التنقيط
ومانحبش ندور بالقماش او نحرك فيه خيوط
و طريقة سل الخيط لا اؤيدها
و الاخوات واش يحبو يديرو وواش يخرج عليهم
الف شكر ليك على النصيحة