السلام عليكم
اولاً انا انسة ونقرى في الجامعة (باصرار من العائلة)
ثانياً العنوان يخلع كان ممكن تكتبي الى ام لجين اهون من انتي السبب..
ثالثاً انقراض دراسة البنات في الجامعة رأي
ما راني محتماته على حتى واحد
مجرد رايي وحـــــــــــــدي
نعم نكره الجامعة بلي فيها حاشا البعض
نقرا العام الثاني فيها بصح كل يوم دارنا يدزو فيا دزان كيما الطفل الصغير مزال مش موالف عن 1 ابتدائي
بالرغم ناجحة .الله غالب كنت حابة غير نوصل للباك وننجح فقط الجامعة مش داخلة عقلي تماماً (للحظة هذي)
اما تقوليلي نعالجو الظاهرة او استئصالها
واش تعالجي وواش تخلي
رانا في مجتمع (الي عايشة فيه) البنت الي تدخل للجامعة خلاص
عارفة مش كامل لبنات كيف كيف بصح يكفي نتحسب منهم
خصيت الجامعة بذات لأنو الي يصير فيها ميصير في حتى طور تعليمي
كل ظاهرة في الجامعة مهما كانت بسيطة نبقى نطلع ونهبط فيها وتزيد تكرهني في الجامعة (بلاك معقدة ولله الحمد)
راني نشوف وعارفــــــــة الموضوع يطول شرحه (يطول شرحه)
الخلاصــــــــــــــة
ضد البنت تقرى في الجامعة وضد المرأة العاملة
تريح في دارها افيدلها واريحلها
بارك الله فيييييييييييييييك
ويبقى لكل واحد رأيه
مع احترامي لرأيك
ومع احترامي لكل طالبة للعلم سواء جامعة ولا غيرها
ونتمنى منتلقاش هجوم من حتى عضو او عضوة
ويُحترم رأيي مهما كان ..
السلام عليكم