[أمآآآآني البنفسج]

المشاركة الأصلية كتبت بواسطة أم البراء السلفية

السلام عليكم ورحمة الله وبركاته
كيفاش واحدة تحوس تقرى وتتخرج وغير تتخرج تتزوج هادي واش اتعلمت في شغل الدار ؟؟
ووينتا تعلمت ؟؟ طول حياتها وهي في الجاميعة ماعندهاش وقت وينتا تتعلم شغل الدار نضن هادي راهي كبيرة واش يقولو عليها مالا
اااه ماعليش مازالها كبيرة ؟؟ ولا ااه ماعليش كانت تقرى وماكفاهاش وقت تتعلم ؟؟
درك راهم الصغارات اركز واشطر من الكبارات وراهم يبنو الديار كيما قالت عجوزت اختى خير من الكبارات
والله اعلم

و عليكم السلام و رحمة الله تعالى و بركاته

هنا أخالفك الرأي اختي أم البراء

أنا فتاة تعلمت و الحمد لله و تخرجت من الجامعة و أنا الآن عاملة

ونعرف كل شغل الدار و الحمد لله

تعلمين لماذا ؟؟

منذ كنت في السنة السادسة و أنا ندخل الكوزينة نعاون أمي

بحكم أنني أكبر إخوتي و أخواتي

تربيت على هذاك الريتم

و بقيت نقرا و نخدم فالكوزينة في نفس الوقت

و حتى و أنا في الجامعة ما نخرجش الصباح حتى نكمل شغل الدار

مانطيبش الغداء لكنني نهز الفراش و ننظف و مباعد نروح

و دوكا راني عاملة و الحمد لله نروح مباشرة للمطبخ

و ندير العشاء

و كي نقلك نذخل للمكطبخ ماشي معناتها نغسل الأواني و إنما نتكفل بالطبخ كليا

لذا فأقول لك نظرتك نسبية و ليست شاملة

فليست كل جامعية فنيانة و لا تجد وقتا لتعلم فنون المبطخ

سأكون صريحة معك .. يتعبني كثيرا ذلك يعني العمل بين الدار و المكتب

لكن الحمد لله قدرت نوفق ..

طول الأسبوع في العمل عندي غير جمعة دائما تفوت في المطبخ

غسل الملابس و تنظيف البيت كاملا

و والله شاهد على كلامي

أمس فقط قمنا بتعزيل كل المنزل بمساعدة أختي طبعا

في البداية ماحسيتش بزاف مي كي رقدت و نضت و الله راني مكسرة

و جيت نخدم و في المساء إن شاء الله نروح و نطيب العشاء و عادي

والفت .. قضية تنظيم

و لا انسى دور الأم المهم في ذلك

هي التي ربتنا على الحرارة في العمل منذ الصغر