الأمن الكهربائي سبق و حكينا عليه ، شوفو هاذو المشاركات و أذا مافهمتوش قولولي
أوكي ؟؟
و هاذي الاخطاء يالي نلقاوها في التراكيب الكهربائية
اقتباس:
شوفي أول خطأ و يالي نلقاوه ديما هو التركيب تاع القاطعة و المنصهرة
هوما ديما لازم يتركبو على سلك الطور يالي رمزو ph
و اذا لقيتيهم مركبين على سلك الحياد يالي رمزو n هذا التركيب خاطئ
__________________________________________________ __________
الثاني خطأ أنك تلقاي قيمة المنصهرة غير متناسبة مع استطاعة الجهاز
و بالتالي مش رايحة تقوم بخدمتها كما يجب ، و بالتالي لازم أحنا نحسبو القيمة المناسبة و نحطوها
__________________________________________________ __________
الثالث هو غياب التوصيل الارضي
هو ممكن ما يكونش كاين في بعض المآخذ ، لكن كي تكون الاجهزة كما الثلاجة الغسالة ....
لازم نحطوه
__________________________________________________ ____
الرابع هو أنك تلقاي مكون تاع أمان ناقص
ديما كي تصححي التراكيب لازم تحطي
قواطع للمصابيح ، منصهرات للاجهزة ، قاطع آلي و تفاضلي و عداد
ديما لازم تحطيهم
____________________________________________
تاني دارتلنا الاستاذة تركيب كان فيها الاسلاك تعدي من تحت الارض
و قالتنا هذا فيه خطر لأنو قادر يقيسهم الماء اذا حبو ينظفوا الدار
_____________________________________
|