السلام عليكم
انشاء الله تعجبكم هذي الوصفة البسيطة وتجربوها
قلي الروز مع : بصل , ثوم , زيت , ملح , فلفل اسود , عرق اصفر و زيدي الماء خليه يطيب مليح
من جهة اخرى طيبي البيض في الماء و قسمي البيضة على زوج من جهة العرض
وكي يطيب الروز و هو سخون عبزيه بالفرشيطة
ديري شوي روز في يدك و حطي في الوسط نصف بيضة و كوريها
مرمديهم في الفرينة ثم البيض و في الاخير( la chapelure ) وبعدها اقليهم في الزيت
(و تقدري ديري اللحم المرحي في مكان البيض يكون طايب كيما نتاع لبوراك )
^^ وشهية طيبة ^^
