الشاب الو .
.
.
.
.
... ...
الشابة: يا لطيف نتا عيطتلي برك لونتي فيروس صونا فالميكرو تاعي
الشاب: التيليفون راه يتبلى فـ الميكرو هههههههه ... واش راكي؟
الشابة: مارانيش
الشاب: إيه نسيت بلي راني نهدر مع الأنانيش
الشابة: واش فيها يا الكانيش
الشاب: ماتوحشتينيش؟
الشابة: راك تحلم
الشاب: وليتي تعمري قلبك بزاف؟
الشابة: علاش قالولك سيتيرنا؟
الشاب: لوكان جا سيتيرنا خلات
الشابة: علاش؟
الشاب: السيترنا يعمروها بالما ونتي لوكان يقيسك الما تذوبي
الشابة: علاش حسبتني سكر
الشاب: لالا بيكاربونات ههههههه
الشابة: هههههه يخي عبد قديم
الشاب: قالك الجديد حبو والقديم لا تفرط فيه ..يعني الجديد كيما نتي نحبوه والقديم كيما أنا ماتفرطيش فيه
الشابة: راك عديتني حتى وليت نهدر بزاف كيما نتا
الشاب: عندك فويت في فمك .. اصبري نولي بلومبي ونجي نخدمك
الشابة: اوووف راسي راه يوجع منك
الشاب: واش دخلني فيك ... خصني همك هههههههههه
الشابة: نتا قلتلهم ارقدووو...
الشاب: واش قالولك راني فاتح hotel
الشابة: لسانك طويييييل
الشاب: ضك نقطع شوية منو ونخدم بيه كرافاطا لباباك... كادو من عندي
الشابة: اممممممم
الشاب: واش راكي تاكلي؟ ..باينة حاجة بنينة
الشابة: تقول زايد في عام الشر تخمم غير فـ الماكلة
الشاب: خسارة عليك ... ماتبدايش تخلطي
الشابة: مانيش cocktail
الشاب: علابالك حلات معاك
الشابة: واش حسبت روحك فـ الماناج
الشاب: حبيت نقولك حاجة مانيش حاب نخليها في قلبي
الشابة: إيه قول راني نسمع
الشاب: حبيت نقولك اسمحيلي نغـ........
(وفجأة ينتهي الرصيد)