[thorpe]

المشاركة الأصلية كتبت بواسطة عطر الملكة

السلام عليكم و رحمة الله تعالى و بركاته
اخي حسين
انا وحدة من الناس ما عندي ثقة في المنتوج المحلي اغلبها سلع مغشوشة و تعود بالضرر على المستهلك تخلو من المقاييس العالمية من حيث الجودة
خلينا نهدروا بصراحة نروح نشري مثلا سلعة لمجرد انها رخيصة و نولي نخسر في البقرة و بنتها عند الطبيب كاين سلع تسببت في امراض جلدية لمستهلكيها و كاين سلع غذائية مغشوشة في تاريخ الصلاحية او مغشوشة في تركيبتها اصلا ما نروحوش بعيد مصنع الحليب مؤخرا الي هدروا عليه في نشرة 8 !!!!!
اتذكر انني مرة اشتريت غسول شعر لاني كنت مستعجلة و ما اهتميت كثير بالماركة و الله صدقني كاني غسلت بمادة لاصقة او حطيت العلك على شعري ما هو غسول ما هو هم
و ايضا من فترة تحتمت على شراء بوتيون حشاك نتاع الدزاير صح كانت رخيصة لكن فراشها كامل مسامير و ما طولتش و تفتحت زائد السيراج ما يبانش فيها كامل
في حين احذية الخارج صح غالية لكن نلبس و نعاود و اذا كرهت منها نمدها صدقة و هي جديدة و صحيحة لسنوات لقدام لا مجال للمقارنة عن تجربة
لازم نكونا منطقيين سلع الخارج فيها جودة و نظافة اشري و انت مغمض عينيك
نجوا للمسؤلية هي مسؤلية الجميع و على رأسها الشعب
جيبلي واحد لقى سلعة مغشوشة او منتهية صلاحيتها و راح بلغ الجهات المعنية نادرا ما يحدث ذلك
كثيرا ما نجد اشياء تعيف في بعض السلع
علب الشيبس مثلا كثير ناس لقاوا فيها بقايا غرلوا

ملحوظة : غير زيد لسلعتنا سلعة made in china

السلام عليكم
اهلا بك اختي عطر ملوووووووووووووووكة

هههه صراحة كلامك بروفوكاسيو للتجار وللصناع هههه مي هو حقيقي الف بالمية

طبعا اختي انا كذالك ارى انها مسؤولية الجميع واولهم المواطن
لانو الشعب نفسو يخدع في خوه الشعبي

نقولك كاين منتجات جزائرية لها جودة لكن كيما نقولو المسلم راح في جرة المجرم
بارك الله فيك وانا جد فخور بتواجدك عطر ملوكة