[نعمة القدوس]

السلام عليكم شباب وبنات


ياخي لاباس ان شاء الله ؟؟


والله توحشت الجلفة، وكيما جيت لقيييتو راقد مسكييين

راهي حالتو كي حالتي تقريبا


اللي حاب يحكي ويشكي في هاد الموضوع ماش مشكل >> راهو welcome ههههه



على العموم



البارح واين جاتني الفكرة أني نبدى نخدم البروجي تاع الانجليزية التاني، قصدي تاع survey


واليوم، أنا وصحبتي لينا، اللي هي عضوة هنا تاني

لقينا الفكرة اللي نديرو عليها السيرفاي


وقسمنا زعما المهام، بقالنا غير التنفيذ





المهم، اللي مقلقني هو الفكرة اللي اخترناها ،، خايفة لا توصلنا لما للمشاكل >> بعيد الشر



الأهم ،، هو أننا رايحين نديرو استطلاع

واش من أستاذ تفضل أكتر ؟؟

ونحطو جميع الأساتذة، بالصح مانديروش الأسماء تاعهم، نديروهم متلا أستاذ الرياضيات، أستاذة الأدب العربي وهكذا



أنا راني خايفة لا كاشما يجيو النتائج بالسلب على أستاذ المادة اللي هو أستاذ الانجليزية


ولتم نوليييو مانحشمووش تاع الصح


وآآش رايكم ؟؟



وإذا راكم مع الفكرة تاع المشاكل، قولولي بالاك نبدل السؤال ونديير ماهي مادة المفضلة هاد العام، هكذا باه واحد مايتجرح





راني مازينتش الموضوع لأني ماعنديش الوقت كي العادة >> لاعبتها femme d'affaire هههههه



المهمممم، في انتظار رأيكم

نعمة اللي توحشتكم بزااف فردا فردا ههههه