السلام عليكم ورحمة الله وبركاته
اضحك الله سنك اختى
هادا المشكل راه كامل وي ربي يستر انا والله يقعدو يهدرو يهدرو يقلبو الدار ومن بعد يقعد ويقولك وين راهي الماكلة انا نحسب كي عيط خلاص ماياكلش ياكل ويزيد طبسي اخر ننخلع اتقول قاع ماشي هو اللي كان داير gلال درك ومن بعد كي يكمل ويزندها كيما نقولو
ينوض يغنى عليا هادي قاع ماشي ماكلة وواش الطياب هادا وهادي لاه حارة هادي لاه مسوسة قاع مايشكروكش راني مشتاقة ننشكر من عند خاوتى مرة
بصح درك ماراهمش يعيطو بزااااف غير يحل فمو انقولو كول ولا جيب المرا اتطيبلك ونشوفوك اذا تطير وتنزل قدامها اكيد انقولهالو بالمزاح كون نقولهالو صح يضربنى بضربة مانصيبش روحي
المهم ربي يهديهم ان شاء الله ويقدرونا شوية