[red moon]

السلام عليكم و رحمة الله و بركاته
يا خاوتي هذا وقت صامط ،بكري انا و اصحابي كي نشوفوا المعلم نتاعنا يمشي في الشارع نروحوا قع نسلموا عليه و يقولنا بركاكم من اللعب و روحوا راجعوا و الي ما يحلش الفرض غدوة نعطيه طريحة،ندخلوا ديراكت لديارنا و نبداو نراجعوا مش خوف من المعلم لا والله بل حبا و إحتراما له و شحال نفرحوا كي يقولنا بارك الله فيكم يعطيكم الصحة...
و ضرك التلاميذ نتاع هذا الوقت ولا الأستاذ يخاف منهم شغل عندهم حصانة و لا ما علاباليش،لوكان تضرب تلميذ والله غير تحصل...
والله يا ناس جيلنا احنا نتاع 82 و ما فوق احسن من جيل اللاحياء نتاع التسعينات شوفوا لبستهم و تصرفاتهم برك ما تعرف الطفلة من الطفل قع يلبسوا الهيب هوب تقول عليهم كوالا و اغلبيتهم يتكيفوا الدخان و الشمة و أكيد الكيف تاني و لوكان تفتش في هواتفهم تلقاها مليانة صور و فيديوهات مكان علاه نهدر...
جيل فسد و ضاع كي الطفلة كي الطفل نسأل الله العفو و العافية