راح نقوللكم انا اليوم واش درت
نضت الصباح روطار لاني البارح سهرت نضفت الكوزينة و مسحت بيت القعاد و شمبرتي و الكولوار و الصالون و عمرت الماء طيبت فطوري فطرت و خملت فراشي ورحت للخدمة كي روحت لقيت كلش نضيف درت حساب العشاء باه نشوف واش لازمني لقيت عندي الروز مفور و الكسكسي في الكونجيلاتور وليت خممت ندير اصوص للروز و نقلي شوي دجاج و الكسكسي قالي بابا ديريهولي بالرغيدة اي حليب و اصوص في نفس الوقت و يكون حار لانه دارنا كامل راقدين بلاقريب و هذا مليح ليهم كلش واجد نستنى المغرب ياذن برك و نروح نقلي و ندير لاصوص
حبيت نمدلكم فكرة جربتها و نفعتني و الي هي كي نجي نمسح نعقب النشافة حشاكم على الزربية و هي مفرشة لاحظت انها ديمة تبقى نقية و ما تشهبهاش الغبرة فقط راني دايرة نشافة خاصة للزرابا و ندير في الماء تاعها جافيل و مزيل روائح الطريقة هذه ساعدتني خاصة و حنا عندنا ديمة العجاج و الغبار و زيد كي تصب النو الغرق تعمر الحالة كنت كل سمانتين نغسل الزرابا حتى رشيتهم مي ضرك الحمد لله