[mina3]

المشاركة الأصلية كتبت بواسطة ياسمين92

يعطيك الصحة ختي حبيبة موضوع جد رائع و مفيد ان شاء الله يلقا تفاعل من قبل العضوات
لبنات انا حبيت نسقسيكم على حاجة
عندي قريب عام ملي بطلت القراية و الحمد لله راني تعلم براسك كلش مي بقاتلي حاجة كي نلتها بالدار نهمل كامل روحي لوكان طلو عليا تقولي هادي طلابة ههههههه شعري دايما ملموم و حوايجي تاع الدار علابالكم خفت بزاف ادا نتزوج و نبقا في هاد العادة السيئة
باش ينصحوني خواتاتي و الله غير كرهت

صباح النور ياسمين حبيبتي شوفي راهم كامل جاوبوك مخلاو لك حتى سبة ضك ركي حرة مي منبعد لالا ديري قش الشغل وحدو و في اثنائ الشغل راكي تضربي عصفورين بحجر كريمات على جسمك و لا وجهك و لا شعرك من بعد تخلصي تتدوشي دوش خفيف تغيري ملابس الشغل تنظمي شعرك تماكيي كي يجي يلقاك كي الاميرة
و متقولي فنيانة ماوالوا لازم تحاولي مع نفسك و متستسلميش ديريها لمدة 15 يوم و تشوفي كيفاش تولي تلقائيا هكذا لانوا العقل سبحان الله 14 يوم يتبرمج و يتعود
راني واثقة بلي تقدري

المشاركة الأصلية كتبت بواسطة ام امجد14

السلام عليك يا اختىياسمين يجب انك تبداى بنفسك مباشرة بعد شربك للقهوة تلبسى ملابس البيت و تكون لاباس بها لكى تساعدك فى الشغل تحطى ماكياج و عطر خفيف و قلسل من الاكسسوار على رقبتك او شعرك ومازر الخاص بالبيت لازم تشوفى روحك هايلة باش ترجعى كلشى فى البيت هايل و المؤمن يبدا بنفسه و باش تولى هذه الطريقة عادة حتى عندما تتزوجى ما تهمليش نفسك و تبقاى محافظة على انوثتك و ربى يوفقك

يعطيك الصحة راكي وفيتي

المشاركة الأصلية كتبت بواسطة حبييبة

حبيبتي ياسمين
صباح الانوار
تبارك الله عليك
راكي شاطرة

راهم لبنات قدمولك بعض النصائح
ربي يبارك فيهم
أنا ممكن ننصحك تاني
كيما أنا راني ندير
اشري غاسول و مقشر و كريم خاص بنوع
بشرتك يعني إذا كانت دهنية ولا جافة ولا عادية
و ماء الورد من عند الصيدلية
و حليب منظف الماكياج
هادو أساسيين لازم كونوا عندك
حتى بعد الزواج لحبيبة

الصباح لما تنوضي و تحبي تتوضي
اغسلي وجهك بالغاسول ولا الصابونة الكريمية
مثل دوف أنا نستعمل الصفراء
نتاع الليمون تصفي الوجه
بشكل رااااائع
و لما تتوضي و تنشفي وجهك بفوطة خاصة بيك
( لازم تغيريها دوريا)
مسحيه بقطنة مبللة بماء الورد
و ديري كريم مرطب نهاري لوجهك
و صلي و روحي اقضي اشغالك
بعدها كلما تغسلي اغسلي بالماء فقط
و ديري نفس المراحل الاخرى يعني ماء الورد و الكريم

الليل لما تحبي ترقدي
اغسلي فمك و وجهك بالصابون ولا الغاسول الخاص
و ديري ماء الورد و الكريم الليلي
ولا زيت اللوز تاني رااااائع يصفي الوجه سبحان الله
و مباشرة تتشربه البشرة
لوجهك ويديك ورجليك ولا ديريلهم كريمهم الخاص
وارقدي

شعرك إذا كان جاف ديريله
حمام زيتي مرة كل أسبوع
باش ترجعله الحياة و الصحة و اللمعان
استعملي شامبو من النوع الجيد مهما تطلب الامر
على خاطر الشامبوهات اللي مافيهاش الثقة
رايحة ادمرك شعرك
عن تجربة خاصة
و معاه البلسم و الكريم نتاعهم

و الاغتسال اليومي بعد الانتهاء من الشغل
يكون خفيف
و ديري ملابس خاصة للشغل
تكون شابة مثلها مثل اللي تلبسيها بعد الانتهاء من الشغل
لأنو ما تقدريش تعرفي واش راهي جايبة الطريق كيما يقولوا خخخخ
لازم يكون منظرك يسر النفس

هادا الشي اللي عقلت عليه
و تاني البنات ربي يحفظهم
راهم ما قصروش معاك
ان شاء الله تستفادي لحبيبة

بارك الله فيكي