[حبييبة]

المشاركة الأصلية كتبت بواسطة حلم جميل

انت الاروع عزيزتي حبيبة
كنت نشوف في موضوعك يوم في مطبخي عجبني تنضيمك و نضافتك ما شاء الله ربي يرزقك الزوج الصالح اللي يستاهلك
ممممممم انا نحب بزاف لماعن نوع منهم كل يوم و ديما جابدة ماعن الضياف على خاطر يجيوني بزاف و راجلي يعرض صحابو بلا وقت
عندي فور تع تريسيتي و مكرووند و ماشينة تع الخبز و جابدة غير روبو صغير تع كل يوم
فلكوزينة معنديش بلاكار ولي فلكولوار معمرة فراش عندي ما شاء الله
وش نقولك كل يوم نفرز ونعاود و هكذاك مش عاجبني لحال وانا مهوسة بالنضافة كل يوم ميناج
عى بالي كسرتلك راسك هههه

حلم جميل
جملك الله بحسن الخلقة و الخلق
اللهم آآآميين
شوفي حبيبتي
بما أنو ماعندكش بلاكار فالكوزينة
لازم لازم تخففي مالمواعين فيها
خاصة وأنها ضيقة شوية
ولازمك المساحة الكافية باش تدوري فيها
و تبدعي في الاكلات لزوجك و أولادك حبيبتي

ننصحك باش تخرجي كامل أواني الضيافة
تغسليهم و تنشفيهم و تغلفيهم بالبلاستيك
هكذا كيما فالصورة





البلاكار الي راكي دايرة فيه الفراش
شوفي كيفاش تخوي الطابق
التحتاني منه فقط
و حطي فيه اواني الضيافة اللي غلفتيهم
و كلما جاك شي ضيف
روحي جبدي اللي تحتاجيه
و لما تغسليه عاودي نشفيه و غلفيه و رديه لمكانه

مواعينك اليومية
لازم لازم تفرزيها
اللي تحتاجيه ضروري خليه و رتبيه فالكوزينة
واللي تحبيه و عارفة روحك
تستعمليه مرة فشهرين
خرجيه مالكوزينة

أما اللي ماتحتاجيهش و مازاله جديد صدقيه لوجه الله
ولك الاجر

و اللي مهرس ولا غير صالح للاستعمال
جمدي قلبك وارميه

الادوات الكهربائية
نفس الشيء كيما درتي معا الماعن
فرزيها و ديري نفس الخطوات
اللي خليتيه ليك لميها كامل و ديريها فالبلاكار
اللي فالكوزينة
و ما تخلي حتى حاجة
فوق البوتاجي
حتى الماعن مين تغسليهم نشفيهم
و رتبيهم فالبلاكار
و ارفدي قطارة المواعين
ما تخليهاش فالبوتاجي
جبديها غير لما تحتاجيها و عقميها دايما

هاكدا راح يخفاف عليك الشغل
و يوساع المطبخ
و تسهال عليك مهمة أنك تفرحي ولادك و راجلك بأكلك اللي راني واثقة أنو يشهي