انا شخصيا تربيت في بيت التعاون فيه في كل شئ.. اغلب المرات بابا ربي يخليهلنا هو اللي يوجدلنا فطور الصباح.. و يحط و يبدا ينوضنا بالواحد ويجمعنا.. و خويا عمره و الا قالنا جيبولي و لا عطولي.. و هذا الشئ عمرو والا حط من قيمة الرجل او الزوج.. بالعكس أبي شخصية جد محترمة فالاهل و الجيران و الاصحاب.. حياته متمحورة حول دينه عمله بيته و اولاده..
بصح هذ الشئ خلقلي مشكل على خارش انا نشوفها شئ عادي.. و لكن أهل خطيبي عندهم هذ الشئ من سابع المستحيلات و خطيبي هما 3 اولاد و ابوهم و امه مريضة ربي يخليهم مجموعين مايهزوش عليها الكاس.. مرة قلتله عيب عليكم يخليكم خاطركن تخليو امكم وحدها مع الشغل راكم 3 ماشاء الله ديرو نهار و كل واحد يدير حاجة ** كون نقولكم واش صرا على هذ الكلمة زعف و رفد الدنيا و قعدها و انا منكذبش عليكم قلت لوالديا هذا مارحمش حتى امه ماشي يرحمني أنا** و عيطتلي امه و قاتلي شوفي يا بنتي حنا عندنا عيب الراجل يخدم شغل الدار ملي تكوني معاه طبعيه على واش تبغي بصح قدام خاوتو و لا فامي ارمي عينك تغلطي و تطلبي منه يعونك في حاجة