ما رأيكم في ارتداء المراة للجلباب هل اصبح في وقتنا الحالي حاجة غريبة ام انه اصبح مودة ؟
ماهوش موظة و ماهوش حاجة غريبة
كل شخص كيفاه
ولماذا صار الكل يتهم المتجلببات بانهن فاسدات لانهن دايرين حالة على حسب قول البعض ويخبوا افعالهم تحت الجلباب؟
لانو الاغلبية هكذا و لكن ماشي كامل
ولماذا المراة لو كانت متجلببة وخطات خطا صغير الكل يحاسبها ولو كانت واحدة لابسة حجاب عادي وعملو نفس الخطا مثلا حضرو عرس فيه الغناء او لبسوا لباس قصير في عرس نساء فقط علاه تتحاسب المتجلببة ويخلو المتحجبة ؟
لانو اللي مدايرة الجلباب تمثل الدين الصح -في نظر المجتمع- يعني لازم تكون مظهر و داخل كيفكيف
في الحقيقة اللي مدايرة الجلباب و اللي ماهيش مدايرة يتحاسبو كيفكيف و لكن في المجتمع الجلباب اللي عليها العين باش يشوفو اذا منافقة و الا لالا متدية و الا لالا لانو المظهر تاعها يقول انها متدية
في رايي هذا لباس مثله مثل الحجاب والي ارتدته ماهيش كاملة ومثلها مثل البقية من النساء
ما رايكم وهل هو منتشر بكثرة في الجزائر؟
الجباب المستور او الجلباب كيفكيف في رأي و اكيد اللي مدايرة الجلباب ماهش كاملة و لكن المجتمع مايرحمش و يحوس على الغلطة
حتى اللي مدايرة الحجاب طويل الناس تعس فيها على الغالطة
ونفس السؤال بالنسبة للنقاب ماراي المجتمع فيهن؟
حتى النقاب كاين ناس باش يقضو حوايجهم في السر و حتى واحد يعرف و لكن كاين ناس و ناس
مالازمش تكون النظرة متشابهة للناس كامل
صلوا على الرسول أفضل الصلاة و السلام