[مريم الصابرة]

المشاركة الأصلية كتبت بواسطة soumsouma

السلام عليكم
اسمحولي بالمشاركة في الموضوع و تقبلو رايي
انا عندي الراجل لي يجيبلي لقمة الحلال يبقى ديما راجل و الراجل عيبو جيبو
كيفاش كاين نسا يتباهاو برجالهم طباخين في فنادق فخمة و ينسا يحشمو براجل يدير المحاجب
ما الفرق بينهما كلاهما طباخان
انا نقبل براجل على قيسو و يدير المحاجب و يجيب مسروف دارو خير من راجل يطلب خواتاتو ولا يماه تعطيلو 5 الاف يشرب علبة جال
الخدمة الشريفة عمرها ما نحشمو بيها ادا ما قبلناش بلي يدير الحاجب اكيد ما نقبلوش بلي ينظف
تقبلو رايي

السلام عليكم اختي سمسومة ترحب بالمشاركة نتاعك راني معاك في واش قلتي ونوافقك الكل ما فهمنيش وأنا ما حشمتش باللي يخدم المحاجب قلت ما نديش اللي يخدم خدمتي أنا نعجنلوا وهو يبيع هذي نورمال يا اختي أنا هذا رايي الراجل راجل و المرا مرا والخدمة شريفة مهما كانت وأنا كنت مخطوبة لشاب عندوا طابلة نتاع دخان الله غالب توفى والموت اللي فرق بيناتنا ما شي الخدمة شكرا لك اختي على المشاركة المحترمة ورأيك أحترمه جدا جزاك الله خيرا