السلام عليكم رايي هو ان هناك اشخاص لا يقتنع بحجمه الطبيعى حاسبين رواحهم حاجة كبيرة بقوص خير من الناس ما زال صغير فايق ارتيست البنات كامل يخزرو فيه اشباب الى اخره وبالتالي لا يقتنع بمقولة لي فاتو وقتو ما يطمع في وقت الناس بالله عليكم ماشي عيب واحد متزوج يولي يتبهلل مع بناتو الانسان كي يتزوج راه يمثل عائلة وشرف تاعو وتاع مرتو واولادو ما يحشمش يولي كما المراهقين ويكذب عليك ما كانش كيما لحلال مستور نقي ما تخاف حتى حاجة علاه تولي دير في حوايج وانت خايف يشفوك وحسابها عند ربي كبير وهذا النوع تلقاه سامح في مرتو ولاعبها رومبو مع ؟؟؟؟؟ صح الشيطان يزين بصح الانسان يخمم للعاقبة وخمم بواحد المعادلة انه كما تدين تدان لي تعدى على بنات الناس يوجد بناتو والانسان يحط روحو في حجمه ما كان علاه يلعبها مارق وعارف ويلتى بدارو ويخدم على اولادو يديرلهم المستقبل تاعهم ويبركي من سواق الذر والله يعطينا العقل ويبعد علينا البلاء