المقادير
ربطة سلق
بصلة 5فصوص ثوم
3مغارف زيت
فلفل اسود قرفة صدر دجاج
حفنة زيتون اخضر
1 فرماج شاف(او اى نوع جبن تفضليه)
حبة طماطم 4 حبات بيض
ربطة كسبر
مغرف صغيرة كمون
طريقة التحضير
ناخد صدر دجاج +زيت+ملح+قرفة فلفل اكحل ونسكرفج عليهم البصل والثوم ونقليهم مليح ثم نمرق بالماء ونخليه يطيب
ناخد ربطة تع السلق نغسلها ونقطعها ثم نفورها
بعدما يطيب صدر الدجاج نفتوه ونزيد نقطع اعليه كسبر+حبة طماطم نقطعها مربعات صغار+مغرف كمون+حوالى كاس من المرقة الى طاب فيها الصدر ونحتفظ بالباقى +سلق بعدما فورناه+زيتون نقطعوه دوائرونغليه مرة وحدة+4بيضات ونقطع اعليه مربع جبن شاف نخلط الكل ونديروه فى مول وندخلوه الكوشة وبعدما يطيب نقطعو منو ونمرق بهديك المرقة الى بقات
ملاحضة هاد الماكلة تقدم كطبق رئيسى للضياف وكل وحدة تكلو عندى تطلب منى الكيفية