و لغدا عاد بديت فالزواق اولا خديت الشكلاط ابيض و اسود ودوبتو ثم حطيت الشكلاط فقطعة من البلاستيك الخاص بالشكلاط كيتباع عند المحلات الخاصة بالحلوى و سرحتو ثم بهاد المسطرة المسننة دوزت فوق منو بحال هاكا ثم بسرعة لويت البلاستيك و وقفتو بحال هاكا و خليتو كيبرد و عاودت العملية مع الشكلاط الابيض خديت هاد القوالب ديال البلاستيك و درت فيهم هاد الخطوط العشوائية و خليتها تبرد اذن خرجت الحلوى من الثلاجة و درت عليها الطبقة دالشكلاط و دخلتها للثلاجة و خليتها تبرد ثم خديت 2 م ك ناباج و سخنتو و درتو فوق من الحلوى زولتها من القالب و قطعت قطعة ديال ورق السلفيريزي على قد الدورة دالكيك و درت اطار دالشكلاط هو الاول ثم درت خطوط عشوائية بحال هاكا لويتو على الكيك و دخلتو للثلاجة خرجت الكيك زولت ليها الورق السلفيريزي حطيت عليها هاد الاشكال لي صوبت دالشكلاط و دهنتهم بالغبرة دهبيبة نخليكم مع الصور واي استفساران شاء الله و بحوله انا رهن الاشارة هادي كيكة صغيورة