[thorpe]

المشاركة الأصلية كتبت بواسطة عطر الملكة

اخي حسين
سافتقدك اخي الغالي
و سأشتاق لمواضيعك الخفيفة و الهادفة
الله يبارك فيك و يحميك يا رب
تحياتي و تقديري

يا عطر واش بيك
الله يهديك يا اختي
راني معاك بلي المنتدى يدير الغمة ليس المنتدى انما بعض من فيه
كون نحكيلك انا وش راهم يديرولي بعض العباد تقولي نرحل للابد
مع ذالك ما رحلتش وراني قاعد
تصوري وصل بيهم الحقد الى ان اشاعو في اشاعات واظهرو عيوبي وتشكرات هنا وهناك والهدرة والمعاني
وبلاوني بما ليس في
وخلي الي عند ربي راه عندو


لكن والله نقعد هنا ونكتب وش نحب
نعد شوكة فالقرجومة
والي عندو هدرة خلي يهدرها
والي حاب يمعني خلي يمعني


كتبت توقيعي باش يكون جواب لكل من هو مريض بمرض اسمو (( حسين )) يعني مريض بيا

ولهذا حبيتك تبقاي مهما كان ومهما يكن

ما تكسريش راسك
فكل متفوق عندو حساد وعندو مصاعب
ويشيعو عليه كلام
ويمرضو بيه
بلا ما هو سامع بيهم
لانو كون تسمعي يهم يفرحو
اكتبي وناقشي واغلبينا بالكلمة الطيبة وكلمة الحق


واذا كنتي غالطة هناك كلمة اسف
لكن الرحيل هو جرم في حقنا جميعا
انا والله قاعد على وجوه بعض الناس هنا

وكون ما هوما يا حصراه

لاني عارف كي نكتب كاين الي راه يدعيلي وكون لخرين ما نحكيش

المهم ربي يهدينا اجمعين كيما موالف نقول
وخلينا نبداو عام جديد وانت بيننا


تصدقي والله تعجبني مداخلاتك مع اني ضد كثير منها بصح والله منين نشوف اسمك ولا مشاركتك نروح نجري
لانك فعلا نحسك تحكي من قلبك حتى واذا غالطة راكي تحكي من ارادتك ومن شخصيتك الواقعية ماشي متخبية كيما بزااااااااااااااااااااااااااااف

وكثيييييير ما اضحك كي تولي تدابزي ههه نقول والله هاذي رايحة فيها ((( بحسن نية )))

مالا والله غير تقعدي على خاطر انت من بين الناس الي ما تتصنعش
وتعطيهالك طاي طاي
حتى واذا نخالفك نخالفك وانا فرحان بالنقاش معاك