راني زدت جبتلكم وصفة بالتشينة ان شاء الله تعجبكم
مقادير البيسكوي رولي:
8 حبات بيض
250غ فرينة
280غ سكر عادي
1 كيس خمارة
ملعقة صغيرة حليب بودرة
الكريمة من الداخل: ربع لتر حليب سكر حسب الذوق 2ملاعق كاكاو 2 ملاعق كبار مايزينة قشور برتقال حطيهم فوق النار مع التحريك حتى تتحصلي على كريمة خليها تبرد
الكريمة من فوق: 50غ زبدة ضربيها مع شوية عسل 2 ملاعق كاكاو و 80 غ كرام شانتيي
السيرو : فنجان ماء و فنجان سكر طيبيهم 10 دقايق زيديلهم عصير حبة تشينة
التحضير:
خلطي البيض مع السكر حتى يتضاعف الحجم نتاعهم ثم اضيفي باقي المكونات بالشوية باش ما تهبطيش البيض في البلا نتاع الفور فرشي ورق الطبخ و بواسطة سباتيل مشي الخليط مع كامل الورقة ديريها في فور مسبق التسخين كي تطيب نحيها اقلبيها على فوطة نادية انزعي الورقة ثم عاودي رجعي البسكوي على وجهو و سقيه بشوية برك سيرو ما تشربيهاش ياسر ثم ديري الكرام او اذا حبيتي ديري فقط مربى المشمش روليها و غطيها مليح ديريها في الثلاجة تحكم روحها مليح خرجيها اقسمي الاطراف نتاعها بشكل مائل ولصقي وحدة من فوق بالكرام الدخلانية او شيكولا ذايبة
و لصقي وحدة من الجنب
وديري الكرام نتاع الزبدة في بوش و غطي بيها كامل القاطو نتاعك كيما في الصورة
ملاحظة : هذا البسكوي رولي درتو على جال التشينة مش على جال نهاية السنة