السلام عليكم موضوع جدير بالنقاش لما له من تاثير سلبي على المجتمع اخي اعتقد ان السبب الرئيسي في تاخر الزواج يعود الى مشكل السكن وثانيا مشكل الشغل وثالثا تعقد متطلبات الحياة العصرية رابعا تاخر سن النضج لدى الرجال وهنا اقصد النضج الفكري وتحمل المسؤولية فنجد الشاب له 30سنة لا يزال تحت الحماية الابوية من مصروف الى تصرف عكس ما كان سابقا حيث نجد ان الرجل وبمجرد بلوغه يتحمل مسؤولية البيت ويركن الاب الى الراحة كيما نقولو يعطيه التصريفة تاع الدار وبالتالي يكون قادر على تحمل مسؤولية بيته مستقبلا وبكري كانت الدار لكبيرة تجد جميع الابناء متزوجين ساكنين مع بعضهم والشيخ حاكم اولادو والعجوز نسائهم واحد ما يخرج على الدار وهنا لا يطرح مشكل الشغل والسكن والدخل لان الشيخ هو لي حاكم المصروف الابناء يخدموا وما يحوسوش يفهموا ولي ماشي خدام يزوجوه ويصرفو عليه حتى ينوب عليه ربي وزيد ما كانش متطلبات كيما ضرك عايشين ببساطة تامة اما الان باش توفر متطلبات الزواج تلحق 40سنة هّذا اذا كنت خدام