[أبوعبد اللّه 16]

المشاركة الأصلية كتبت بواسطة مشكلتي

زوجتي مدمنة تلفزيون و مسلسلات تركية و عندما ادخل لببيت متعب لا اجد اكلي ساخن و مانسقهواش الصباح كي الرجال و كي نقلها جيبي ناكل تقلي روح سخن راني نتفرج كنت رايح نكسر التلفزيون على راسها و قريب ما ضربتها و بنتي الصغيرة اصبحت تقول سواش و أنا قاعد ناكل في الصالة سمعت ساواش في المسلسل قلت بنتي ثاني ولات كيما امها و ابنتي أصبحت تعمل الزينة في وجهها و كي نقلها واش درتي تقلي أمي دير كيما هاك
كرهت زوجتي يا إما عند الجارة يا إما عند أمها تسكن فوقنا في البناية ندمت من زواجي منها و كلما ادخل لبيتي اجدها خطرات مع النساء كي نقلها و شكون هنا تقلي يحوسوني نخيطلهم شورا ياك راني نعاون فيك
رايح نهبل داري فوضى و زوجتي هدرتلها و مافهمتش روحها و مانيش حاب نطلق على جال بنتي

انطلاقا من رسالتك، و انطلاقا من الكلمات التي هي باللون مغاير.
اخاطبك، و اقول للاسف معندكش حل، يجب عليك ان تكمل حياتك هكذا، اذا قدرت انصحها، و اذا مقدرتش، كمل كيما هاك و اصبر كيما صبرت السنين التي قضيتها معها.
اسمحلي شخصيتك ضعيفة جدا يا اخي، كيما قال احد المشايخ، لما اتاه رجل يقول يا شيخ زوجتي لا تطيعني و لا تفعل اشغال البيت، و و و فهل يجوز لي ان اطلقها، فقال له الشيخ، لا يجوز لك. لان الشيخ علم انه لا يستطيع تطليقها، لانه لو كان يستطيع لطلقها بدون ان يأتي اليه ليسأل في مثل الحالة التي وصلت اليها زوجته.
الرجل الحازم، صاحب شخصية قوية مستمدة من الدين، لا يدع الشيء يخرج عن طاقته (و يصبح Incontrolable)، و مبعد ميقدرش يغيرو فيها. ويجي هنا يشكي، و يقول مقدرش نعيش مع مرتي، و قبلها وين كنت؟، ولا كنت غائب، كيما كانت بوادر عصيانها، واش كنت دير في هاداك الوقت؟، نورمالمون في هاداك الوقت تتدخل، مش درك. لان اغلب النساء اللاتي ليس عندهم الوازع الديني، يطلعوا فوق رأس الراجل، مثل ما تصعد المرأة السلم درجة درجة، حتى تولي لفوق وتروح بعيد، و تما انت متقدرش تهبطها مباشرة الى الدرجة الاولي لي كانت فيها، الا في حالة واحدة و لي انت متقدرش ديرها لانك رايح تقتلها، هي ترميها مباشرة من الاعلى الى الاسفل (اقصد الطلاق). و المرأة باش تصعد ساهلة عندها، مي باش تهبط صعيب بزاف. لهذا ملازم تخليها من الاول تصعد.
الخص كلامي، عليك ان تنصحها فقط، و اصبر معها كما قلت راهي عندك طفلة.
تقبل مشاركتي.